Bracton: Thorne Edition: Latin. Volume 3, Page 281

Harvard Law School Library

Bracton Online -- Latin

Volume 3, Page 281

Next

Go to Volume: Page:

[001] unam rem divisam inter plures, plures erunt¹⁴ actiones propter plures
[002] particulas et propter plures personas. Si autem petat quis versus unum
[003] unam particulam per plures particulas numero, sicut unam carucatam¹⁵ ex
[004] pluribus per plures virgatas, vel unam virgatam per plures acras, si totum
[005] non tenuerit tenens cadit breve. Item quod dictum est de parte dici poterit
[006] de toto, vel quia numquam inde tenuit aliquid, vel si tenuit rem ad alium
[007] transtulit¹⁶ et ita desiit tenere. Et quo casu videndum erit quo tempore
[008] desiit¹⁷ tenere et quando ad alium res translata fuerit,¹⁸ utrum videlicet
[009] ante impetrationem brevis vel post, quia si ante, tunc non erit tenens in
[010] dolo et sic nec in culpa. Si autem post impetrationem diligentem et prosecutionem
[011] timens futuram litem et controversiam motam, ne cum ipso
[012] agatur, mutandi¹⁹ iudicii causa rem ad alium transtulerit, nihilominus pro
[013] possessore iudicabitur, et non solum ille qui transtulit sed ille ad quem
[014] transfertur pro voluntate ipsius petentis, unus scilicet ipsorum²⁰ vel uterque.
[015] Si autem petens negligens fuerit vel in²¹ impetratione vel in prosecutione
[016] hoc erit ei imputandum. De negligentia vero vicecomitis non erit
[017] f.266b] ita quoad summonitionem et officium vicecomitis. Si autem sit
[018] dominus capitalis qui teneat, licet totam rem non teneat sed alii per ipsum,
[019] procedet assisa contra ipsum pro ea parte quam tenet. Ut de itinere Martini
[020] de Pateshilla comitatu Warrewickiæ anno regis Henrici quinto. Et
[021] quod assisa cadere debeat ratione plus petitionis ubi petens plus petierit
[022] quam tenens tenuerit, habetis in²² itinere Willelmi de Ralegha comitatu
[023] Leycestriæ de Humfredo de Leycestria et Iuliana uxore eius, circa finem
[024] rotuli. Item esto quod tenens dicat quod totum tenementum non teneat
[025] et iuratores quæsiti nesciant utrum teneat vel non, cadit assisa propter
[026] incertitudinem, ut de ultimo itinere Willelmi de Ralegha in comitatu
[027] Norhamtoniæ²³ de Willelmo de Camera.

De responsione tenentis ad articulos.

[029] PROPOSITA igitur intentione petentis et fundata sic²⁴ super quolibet articulo
[030] brevis ut prædictum est, oportebit tenentem cum warantum non
[031] habuerit nec defensorem ad singulos articulos respondere per ordinem, et
[032] excipere contra omnes vel quosdam quare actio sive assisa procedere non
[033] debeat, et docere contrarium vel diversum, et ad exceptionem suam
[034] defendendam et probandam ponere se super assisam, et probare per
[035] assisam in modum assisæ, cum nihil valeat excipere nisi probetur exceptio
[036] in modum assisæ vel iuratæ. Ad primum igitur articulum sic erit respondendum.
[037] Dicitur enim si talis antecessor fuit seisitus, sicut pater vel mater

Notes

14. enim, OB, MB, CE; enim erunt, Y.

15. c. terræ, OC, MG.

16. transtulerit, MA, MB.

17. desinit, OC, MG.

18. fuit, MG, CM; erit, OC.

19. evitandi, OB, CE, Y, Co, MC, MB (corr.); evictandi, MA.

20. eorum, V, OC, MG.

21. Om., LA, MC.

22. de, OB, MA, MB, MG.

23. Norfolciæ, OB, MA, MB, Y.

24. sit, MSS. var.