Bracton: Thorne Edition: Latin. Volume 3, Page 280

Harvard Law School Library

Bracton Online -- Latin

Volume 3, Page 280

Next

Go to Volume: Page:

[001] Et sic deficientibus propinquioribus successive, cum semel inceperint esse
[002] quilibet post alterum vivente antecessore, semper incipit esse heres propinquior
[003] ei qui est in possessione hereditatis heres qui fuit prius antecessori
[004] propinquus, sive in linea recta descendente sive in linea transversali:
[005] ita tamen quod linea recta semper excludat transversalem, et sicut ex
[006] præmissis perpendi poterit manifeste. Item si descendat hereditas ad primogenitum
[007] non habentem heredem ex se, incipiunt fratres sui postnati vel
[008] f.266] sorores esse heredes sui propinqui et desinunt esse heredes patris
[009] communis vel alterius antecessoris. Sed tamen primogenitus post eum
[010] incipit esse propinquior quia senior. Et generaliter verum est quod ille
[011] propinquior est heres in omni casu ad quem ius merum descendit, sive sit
[012] verus heres sive¹ pro herede sive loco heredis, sicut est dominus propter
[013] feloniam tenentis sui, quia nullus potest esse propinquior qui ius merum
[014] non² habuit. Et eodem modo tenendum erit de remotis heredibus in
[015] infinitum sicut dicitur de propinquis, de quibus infra plenius dicetur de
[016] successionibus.

Videndum est an totum teneat sicut antecessor tenuit.

[018] DICITUR etiam in brevi, summone etcetera talem vel tales qui terram illam
[019] vel redditum tenent³ etcetera. Et unde videndum an totum teneant sicut
[020] antecessor tenuit vel eius partem et non totum, secundum quod antecessor
[021] tenuit, cuius seisinam petunt ipsi heredes. Et sciendum quod multipliciter⁴
[022] esse poterit illud totum vel potest peti illud totum sub uno toto, ut si quis
[023] petat aliquod manerium cum pertinentiis vel unam carucatam terræ cum
[024] pertinentiis et⁵ alio modo, vel decem libratas terræ cum pertinentiis vel
[025] alio modo, et non refert utrum hoc faciat vel per simile. Et unde cum
[026] petens visum facere debeat iuratoribus, oportet quod iuratores videant
[027] quid et quantum posuerit in visu suo et utrum totum quod ipse antecessor
[028] tenuit, et⁶ secundum quod tenuit⁷ vel non, quia totum debet petere per
[029] assisam quod antecessor tenuit et secundum quod tenuit, vel excipere si
[030] aliquid inde alienatum fuerit post seisinam antecessoris vel translatum,
[031] alioquin de iure debet cadere breve. Si autem petat heres seisinam antecessoris
[032] sui versus unum per plures particulas, sive particulæ illæ sint
[033] diversi generis sive⁸ unius, quælibet particula per se habet suum totum
[034] per⁹ se¹⁰ sive fuerint in uno loco sive in diversis. Et si aliquam particularum
[035] istarum non teneat tenens integre, cadit breve quoad illud totum illius
[036] particulæ et tenet quoad alias particulas integras, quia licet sit unica¹¹
[037] persona quæ¹² petat et unica quæ teneat, tamen diversæ erunt actiones et
[038] plures licet consimiles propter plures particulas, ac si esset si quis peteret¹³

Notes

1. si, OA, LA.

2. Om., V, OC.

3. tenet, OB, MA, MB.

4. Om., OB, MA, MB, Y (+).

5. vel, V, MA, MG.

6-7. Om., OC, MG.

8. vel, OB, MA, MB, Y.

9-10. Om., OC, MG.

11. una, OC, MG.

12. qui, OC, MG.

13. peterat, OA, LA; petat, OB, MB, Y, CE; om. ac si . . . particulas, MA.