Bracton: Thorne Edition: Latin. Volume 3, Page 272

Harvard Law School Library

Bracton Online -- Latin

Volume 3, Page 272

Next

Go to Volume: Page:

[001] totum habeat cum aliis in communi. Et cum unus moriatur, non descendit
[002] aliqua pars heredi morientis nec separata nec in communi ante mortem
[003] omnium, sed pars illa communis per ius accrescendi accrescit superstitibus
[004] de persona in personam usque ad ultimum superstitem, et cum ille ultimus
[005] obierit, tunc primo locum habebit assisa mortis antecessoris²⁴ in personis
[006] heredum, et sic ad ultimam seisinam: quicumque talium præmoriatur,
[007] semper ad ultimam seisinam erit recurrendum. Sed esto quod heres per
[008] errorem de morte patris vel matris præmortuæ assisam portaverit cum
[009] portare deberet de morte eius qui ultimo obiit. Quæritur an restitui possit.
[010] Et unde videndum est utrum tempestive ante captionem se retraxerit vel
[011] non. Si autem se retraxerit, ad aliam assisam regressum habebit. Si autem
[012] non, non,²⁵ quia assisa²⁶ super assisam de eadem re et de eadem morte non
[013] erit capienda, non magis quam assisa novæ disseisinæ inter easdem personas
[014] et de eodem facto, sed sibi ipsi imputet quia²⁷ erravit. Si autem sic
[015] fiat donatio pluribus successive, scilicet tali et heredibus suis quos de
[016] carne sua procreatos habuerit, et si non habuerit, vel²⁸ cum habuerit²⁹ et³⁰
[017] defecerint, tunc tali et heredibus suis eodem modo, et sic pluribus, si
[018] primus cum tales habuerit seisitus moriatur, statim competit assisa suis
[019] heredibus. Si autem nullus omnino habuerit, vel cum habuerit defecerint,
[020] tunc descendit ius³¹ ad alios feoffatos, non ex causa successionis ut locum
[021] f.263] habeat assisa mortis antecessoris, sed ex causa primæ donationis
[022] et per modum feoffamenti, et alio brevi opus erit.

Si quis donationem fecerit ad vitam suam alicui tantum sine heredibus vel alicui et heredibus suis.

[024] ITEM potest quis ita dare quod nec ipse nec donatarius nec heredes eorum
[025] habebunt assisam mortis antecessoris, ut si quis ita dicit, Do tali decem ad
[026] vitam meam. Si donatarius supervixerit donatorem, heredi donatoris non
[027] competit assisa sed breve ad terminum qui præteriit, cum res donata sit²
[028] liberum tenementum ipsius donatoris et terminus ipsi donatario. Si autem
[029] donatarius in vita ipsius donatoris³ obierit, tunc distinguendum est⁴
[030] utrum donatio facta fuerit donatario tantum vel⁵ donatario⁶ et heredibus.⁷
[031] Si tantum donatario, tunc revertitur res donata⁸ ad donatorem ex quo
[032] heredes sui in donatione non sunt comprehensi, quia locum non invenit per
[033] modum donationis quod⁹ ad alium possit descendere vel reverti quam ad
[034] eum a quo processit. Si autem donatario et heredibus suis et ipse defecerit

Notes

24. antecessorum, OA, LA.

25. Om., V, OB, MA, LA.

26. Om., OB, MA, MB.

27. quare, MC, LA.

30. Om., OA, LA, MC; vel, CE, MA, Y.

28-29. Om., MSS. var.

31. Om., OB, MA, MB, CE, Y (+).

2. Om., OB, MA, MB.

3. Om., OB, MA, MB.

4. erit, OC, MG, CM, MC, LA.

7. h. suis, OC, MG, MC, LA.

5-6. Om., OB, MA, MB.

8. Om., OB, MA, MB, CE, Y.

9. quia, OB, MA, MB.