Bracton: Thorne Edition: Latin. Volume 3, Page 269

Harvard Law School Library

Bracton Online -- Latin

Volume 3, Page 269

Next

Go to Volume: Page:

[001] super tenentem, et cum sit plenæ ætatis et paratus probare ætatem
[002] f.261b] suam, non erit tenens audiendus si velit dominum capitalem
[003] vocare ad warantum propter aliquam conventionem inter eos factam, ut si
[004] dicat quod ei teneatur warantizare usque ad certum terminum vel ultra
[005] ætatem, et cum talis conventio non tangat heredem, procedat statim
[006] assisa et tenens agat de conventione versus suum warantum si sibi viderit
[007] expedire, quia ille qui petit per assisam mortis antecessoris¹⁷ nihil clamat in
[008] custodia, nec venditor tenetur ei warantizare nisi custodiam tantum et
[009] non tenementum in dominico.

De exceptionibus proponendis contra assisam mortis antecessoris.

[011] CUM autem in assisa mortis antecessoris nullum warantum habuerit, vel
[012] cum habuerit nullam vocat quia in propria persona vult¹⁸ potius subire
[013] defensionem, et ei multæ competant responsiones ex articulis in brevi
[014] contentis et exceptiones, imprimis proponat illas. Dicitur enim imprimis,
[015] si talis pater vel mater etcetera. Et unde imprimis videndum de morte
[016] quarum personarum capi debeat assisa.

De morte quarum personarum capi debeat assisa.

[018] ET sciendum quod de morte patris et matris, fratris et sororis, avunculi et
[019] amitæ. Et ita sicut limitatur assisa infra¹⁹ certas personas ita limitatur
[020] infra certos gradus, quod superius ascendendo non extenditur ad avum²⁰
[021] nec inferius descendendo ad nepotem, quia de morte avi numquam tenebit
[022] assisa nec eodem modo de morte nepotis, licet nepos habere possit assisam
[023] de morte avunculi et amitæ.Item numquam tenebit assisa inter coniunctas
[024] personas fratres et sorores, nepotes et neptes, pronepotes et proneptes et sic
[025] inferius descendendo, nec etiam consanguinitas de aliqua hereditate vel de
[026] aliquo quod descendat hereditarie a communi stipite, sed tantum breve de
[027] recto: versus tamen extraneas personas locum habebit assisa quatenus se
[028] extendit. Et ad quas personas assisa se non extendit locum habebit consanguinitas,
[029] quæ omnino trahit originem de assisa, sicut inferius plenius²¹
[030] apparebit.

Qualiter petens probare debeat intentionem suam.

[032] PROPOSITA autem intentione petentis, oportet eam²² fundare et probare,
[033] scilicet per assisam in modum assisam, omnes brevis articulos, scilicet quod
[034] talis antecessor cuius seisinam petit fuit seisitus et²³ in dominico suo ut²⁴
[035] de feodo et die quo obiit, et quod post terminum, cum assisa ista sicut et
[036] aliæ infra certum terminum limitetur. Et si in uno articulorum istorum
[037] defecerit, cadet²⁵ assisa ac si in omnibus defecisset.

Notes

17. Om., OA, CE.

18. sic, OC, MC, Y; vel, OA, OB, Co, CE, MA, MB, CM; debet, MG.

19. inter, OC, MG, CM, MC.

20. sic, OA, Y; alium, MSS. gen.

21. Om., OB, MA, MB.

22. eum, V, OA, CE.

23. Om., MA, MG, CM.

24. et ut, OA, OB, MC.

25. cadit, OB, MA, MG.