Bracton: Thorne Edition: Latin. Volume 3, Page 262

Harvard Law School Library

Bracton Online -- Latin

Volume 3, Page 262

Next

Go to Volume: Page:

[001] in uno sensu defensionem habeat, et secundum quod in alio sensu
[002] teneatur warantus ad excambium, cum feoffatum suum non defenderit
[003] vel defendere non possit. Distringatur hoc modo si terram habuerit in
[004] eodem comitatu, quod vicecomes capiat in manum domini regis de terra
[005] ipsius waranti ad valentiam terræ quam tenens amisit, per hoc breve.

Breve dum fuit in seisina.

[007] REX vicecomiti salutem. Cape in manum nostram²⁶ per visum legalium
[008] hominum de comitatu tuo de terra A. in balliva tua pro defectu ipsius A.
[009] ad valentiam tantæ terræ cum pertinentiis in tali villa quam B. in curia
[010] nostra coram iustitiariis etcetera, recuperavit versus C. per assisam mortis
[011] antecessoris inde ibi inter eos captam, et unde idem C. dum fuit in²⁷
[012] seisina vocavit inde ad warantum prædictum A. versus eundem B. Et
[013] summone per bonos summonitores prædictum A. quod sit coram eisdem
[014] iustitiariis nostris tali²⁸ loco ad prædictum terminum, scilicet de principali
[015] placito warantiæ, inde²⁹ responsurus et ostensurus quare non fuit coram
[016] eisdem iustitiariis nostris apud talem locum tali die sicut summonitus
[017] fuit. Et habeas ibi summonitores etcetera. Si autem terra quæ amittitur
[018] et terra quæ tenetur ad excambium fuerint in diversis comitatibus, tunc
[019] primo fiat extensio de terra quæ amittitur, ut tantundem capiatur in
[020] manum domini regis de terra waranti quæ ad excambium tenetur, secundum
[021] quod inferius de districtione waranti plenius dicetur. Item si plures
[022] fuerint waranti ut supra dictum est, tunc facta extensione capiatur in³⁰
[023] manum domini regis de terris³¹ singulorum proportionaliter quantum ad
[024] singulos pertinebit de warantia, secundum valorem et æstimationem
[025] terræ quam tenens amisit per assisam quæ capta fuit per defaltam ipsius
[026] waranti. Et sic videtur quod habere poterit excusationem de defalta
[027] f.259] propter impedimenta, vel restituetur per defensionem per legem
[028] sicut in causa proprietatis, et ita capi non poterit assisa propter aliquam
[029] defaltam, quia nulla erit defalta quæ defendi poterit per legem, et sic
[030] non erit ille in defalta qui vocavit quia secutus est per legem terræ ita
[031] quod non est in culpa, nec warantus in culpa erit quia summonitionem
[032] defendere poterit per legem, et ideo qui iudicaverit assisam esse¹ capiendam
[033] per defaltam quæ nulla est male agit. Et iniquum erit quod warantus
[034] responsiones suas amittit² versus petentem et faciat excambium cum
[035] defensiones habeat et non sit in culpa. Cum autem warantus omnino
[036] non venerit vel cum venerit se excusare non possit de defalta, tunc primo
[037] capiatur assisa per³ defaltam,⁴ ut sciatur an petens ius habeat petendi vel

Notes

26. domini regis vel in manum nostram, OC, MG, CM (vel capere in).

27. inde in, OA, CE, Y.

28. in tali, OC, MG, CM, MC.

29. et inde, MG, CM.

30. de terra in, OC, MG.

31. terra, OC, MG, CM, MC.

1. Om., MA, MB.

2. amittat, OA, CM, Y.

3-4. de defalta, OC, MG.