Bracton: Thorne Edition: Latin. Volume 3, Page 25

Harvard Law School Library

Bracton Online -- Latin

Volume 3, Page 25

Next

Go to Volume: Page:

[001] vim disseisitoris iniuriosam sustineat, cadit in assisam. Item cum quis
[002] venerit ut iuste possidentem per vim deiciat, cum possidens in possessione
[003] viriliter se defendat et vicecomes vim invasoris iniuriosam sustineat, cadit
[004] similiter in assisam. Sed vice versa cum vicecomes iuste possidentem in sua
[005] possessione defendat, vel cum iuste possidens eiectus fuerit et incontinenti
[006] nitatur possessionem suam resumere, et vicecomes cum rogatus fuerit et
[007] quamdiu licuerit vim talem sustineat cum iusta sit, hoc ei licebit, scilicet
[008] quamdiu iuste possidens civilem habuerit possessionem, et donec amissa
[009] fuerit per negligentiam, impotentiam vel desperationem. In quo casu
[010] vicecomes ulterius se non intromittat etiam rogatus, ne incidat in assisam.
[011] f.164b] Hæc autem omnia facere potest vel ut amicus vel ut vicecomes ex
[012] officio suo pro pace domini regis. Et in fine notandum quod talis reiectio⁶
[013] et⁷ incontinenti facienda continua esse debet, non distincta per temporum
[014] intervalla, ut si quis iniuste disseisitus fuerit, assumptis viribus debet
[015] incontinenti disseisitorem reicere si possit: si autem non, non debet inde
[016] recedere sed continue pulsare. Quia qui semel per impotentiam recesserit
[017] utramque amittit possessionem, quia post tempus redire non potest ad
[018] deiciendum nec seisinam quam sic amisit pro voluntate sua resumere, cum
[019] iam ad manus superioris fuerit devoluta cognitio. Oportet igitur de necessitate
[020] ad superiorem recurrere sicut inferius apparebit. Hæc⁸ ad præsens de
[021] reiectione⁹ incontinenti dicta sufficiant exempli causa.

Quod oportet de necessitate ad superiorem recurrere ubi non poterit disseisitus per se disseisitorem suum incontinenti reicere, et fiat ei ibi breve de nova disseisina.

[023] DICTUM est supra qualiter disseisitus poterit disseisitorem suum incontinenti
[024] reicere impune et sine brevi quamdiu retinuerit civilem possessionem.
[025] Nunc autem dicendum qualiter recurritur ad superioris auxilium cum
[026] utramque amiserit possessionem, naturalem videlicet et civilem. Cum
[027] igitur disseisitus ita negligens fuerit in hac parte quod nolit vel non possit
[028] disseisitorem suum reicere, de beneficio principis succurritur ei per recognitionem
[029] assisæ novæ disseisinæ, multis vigiliis excogitatam et inventam,
[030] recuperandæ possessionis gratia quam disseisitus iniuste amisit et sine
[031] iudicio, ut per summariam cognitionem absque magna iuris solemnitate
[032] quasi per compendium negotium terminetur. Locum autem non solum
[033] habet huiusmodi assisa in rebus corporalibus, sicut in tenementis quibuscumque,
[034] verum etiam in rebus¹⁰ incorporalibus, sicut in servitutibus et
[035] iuribus quæ pertinent ad tenementa, sicut in iure pascendi, falcandi,
[036] fodiendi et huiusmodi, sicut inferius apparebit. Est autem ista recognitio

Notes

6. reeiectio, OA, CE, Y, Co.

7. est, CE, Co, Y; om., MA, V.

8. haec est, OA; haec etiam, CE; haec autem, V.

9. reeiectione, CE, Y, Co; re eiectione, OA, MG.

10. omnibus, MC, LA (corporalibus).