Bracton: Thorne Edition: Latin. Volume 3, Page 242

Harvard Law School Library

Bracton Online -- Latin

Volume 3, Page 242

Next

Go to Volume: Page:

[001] idoneam personam ad eandem ecclesiam admittatis nisi forte sit aliquis
[002] alius a prædicto B. qui præsentationi ipsius A. legitimum impedimentum
[003] opponat. Teste etcetera. Si cum episcopus vel alius ordinarius regium
[004] susceperit¹³ mandatum de admittendo clericum ad ecclesiam clericum
[005] non admiserit, ad querelam patroni præsentantis summoneatur episcopus
[006] quod sit coram iustitiariis ad ostendendum quare non admiserit per tale
[007] breve.

Breve de summonendo episcopum quare non admisit clericum.

[009] REX vicecomiti salutem. Si A. fecerit te securum de clamore¹⁴ suo prosequendo
[010] tunc summone per bonos summonitores talem episcopum quod sit
[011] coram iustitiariis nostris tali loco, tali die, ostensurus quare ad præsentationem
[012] ipsius A. non admisit idoneam personam ad mandatum
[013] nostrum ad talem ecclesiam, cuius ecclesiæ advocationem prædictus A. in
[014] eadem curia nostra coram eisdem¹⁵ iustitiariis nostris¹⁶ recuperavit versus
[015] B. per iudicium¹⁷ eiusdem curiæ nostræ, vel per finem inter eos factum,
[016] f.251b] vel per assisam ultimæ præsentationis inter eos captam, vel alio
[017] quocumque modo. Et habeas ibi summonitores et hoc breve. Teste
[018] etcetera. Item aliud de eodem.

Item aliud breve de eodem.

[020] REX vicecomiti salutem. Si A. fecerit te securum etcetera, tunc summone
[021] talem episcopum quod sit ostensurus etcetera ut supra, idoneam personam
[022] ad ecclesiam de N. quæ vacat ut dicitur, desicut¹⁸ idem A. seisinam advocationis
[023] eiusdem ecclesiæ coram iustitiariis nostris ad hoc assignatis
[024] recuperavit per assisam ultimæ præsentationis versus B. inde¹⁹ ibi inter
[025] eos captam. Et habeas ibi summonitores etcetera. Idem de eodem, scilicet
[026] ubi manerium aliquod datum sit in maritagium cum aliqua²⁰ filia alicuius
[027] cum advocatione et aliis pertinentiis suis, et cum ecclesia vacaverit,
[028] opponat impedimentum donator præsentationi donatarii, et eo in curia
[029] domini regis discusso, cum semel mandatum²¹ sit episcopo vel suis officialibus
[030] quod ad præsentationem donatarii clericum admittant et ipsi nihil
[031] inde fecerint, summoneatur episcopus per tale breve.

Item aliud de eodem ubi pluries mandatum est officialibus.

[033] REX vicecomiti salutem. Summone per bonos summonitores talem episcopum
[034] quod sit coram etcetera, ad respondendum A. quare ad²² præsentationem
[035] suam non admittit²³ idoneam personam ad talem ecclesiam sicut
[036] semel officialibus suis et secundo eidem episcopo mandavimus, cuius

Notes

13. suscepit, CE, MG, Y; susceperat, MA.

14. clamio, MC, Y; clam., MSS. var.

15. Om., OC, MG, CM, MC.

16. Om., OA, CE, MA, MB.

17. considerationem, OC, MG, CM.

18. sicut, OC, MG, CM.

19. Om., OC, MG, CM.

20. Om., OA, CE.

21. Om., MA, MB.

22. in, MA, MB.

23. admisit, MA, CM.