Bracton: Thorne Edition: Latin. Volume 3, Page 239

Harvard Law School Library

Bracton Online -- Latin

Volume 3, Page 239

Next

Go to Volume: Page:

[001] cuiuslibet secundum quod prædictum est, idoneam personam ad eandem
[002] admittatis. Teste etcetera. Item retenta prima forma, si sit tertius qui
[003] remittat ius suum de eadem ecclesia, tunc primo dicatur sub una et
[004] eadem forma brevis, scilicet:⁸

Aliud breve ubi unus remittit alteri ius suum ex quatuor participibus et duo consentiunt in eundem.

[006] SCLATIS⁹ quod ita convenit in¹⁰curia nostra coram etcetera,¹¹ inter A.
[007] petentem et B. deforciantem de advocatione talis ecclesiæ unde placitum
[008] fuit inter eos etcetera, scilicet quod prædictus A. remisit et quietum
[009] clamavit D.¹² et heredibus suis, ipsi¹³ B. et heredibus suis, totum ius et
[010] clamium etcetera. Convenit etiam inter eundem A. petentem et C.¹⁴
[011] deforciantem de advocatione prædictæ ecclesiæ cum pertinentiis et unde
[012] placitum fuit inter eos etcetera, scilicet quod prædicti A. et C. idoneam
[013] personam eligant communiter etcetera ut supra. Et ideo vobis mandamus
[014] quod non obstante reclamatione ipsius¹⁵ ad præsentationem ipsorum A.
[015] et C., salvo iure cuiuslibet ut prædictum est, idoneam personam ad
[016] eandem ecclesiam admittatis. Teste etcetera. Si quis impedimentum opposuerit¹⁶
[017] præsentanti qui est in seisina manerii qualitercumque ad quod
[018] pertinet advocatio, et similiter præsentet clericum suum ea ratione quia
[019] dicit se ius habere in manerio, et cum assisa ultimæ præsentationis vel
[020] iudicium faciat pro eo qui in seisina est, fiet episcopo breve in hac forma.

Cum quis præsentaverit ad ecclesiam antequam recuperaverit manerium ad quod pertinet advocatio.

[022] REX tali episcopo salutem. Ostensum est nobis ex parte A. quod cum ipse
[023] teneat tale manerium cum advocatione ecclesiæ et cum omnibus¹⁷ aliis
[024] pertinentiis suis, et B. qui manerium illud in curia nostra etcetera clamat
[025] ut ius suum vobis clericum suum præsentaverit ea ratione quod dicit se
[026] ius habere in manerio illo, licet nihil habeat in seisina de eodem manerio
[027] nec de aliquibus eiusdem manerii pertinentiis, sicut idem B. nuper¹⁸ in
[028] curia nostra recognoverit, præsentationem prædicti A. impedit et iniuste.
[029] Et quia constat nobis tum¹⁹ per recognitionem ipsius B. tum²⁰ per hoc
[030] quod petit manerium illud ut ius suum cum pertinentiis suis, quod idem
[031] f.250b] B.²¹ nullam inde habet seisinam, vobis mandamus quod non
[032] obstante reclamatione ipsius B. ad præsentationem ipsius A. idoneam
[033] personam ad eandem ecclesiam admittatis. Teste etcetera. Quod si
[034] episcopus ad tale mandatum clericum præsentatum minime admiserit,
[035] fiat²² ei aliud breve in hac forma.

Notes

8. Om., OC, MG, CM, MC.

9. Rex etcetera s., OC, MG.

10-11. Om., MA, MB.

12-13. Om., OC, MG, CM, MC.

14. B., MA; E., OC, MG.

15. ipsius B., V; ipsius E., OC.

16. apposuerit, V, OC, MC; posuerit, MA.

17. Om., MA, MB, OC, MG, CM.

18. Om., OC, MG, CM.

19. Om., MA, MB; cum, OC, MG.

20. cum, OC, MG.

20-21. Om., MA, MB.

22. fiet, MA, MB.