Bracton: Thorne Edition: Latin. Volume 3, Page 238

Harvard Law School Library

Bracton Online -- Latin

Volume 3, Page 238

Next

Go to Volume: Page:

[001] præsentent ad eandem ecclesiam, salvo iure utriusque ipsorum
[002] cum idem A. qui nunc est infra ætatem pervenerit ad ætatem. Et ideo
[003] vobis mandamus quod ad præsentationem ipsorum⁴⁴ A. et B., salvo iure
[004] utriusque ipsorum cum idem A. ad ætatem pervenerit secundum quod
[005] prædictum est, idoneam personam ad eandem ecclesiam admittatis. Teste
[006] etcetera.

Item alia forma de eadem materia.

[008] REX tali episcopo salutem. Sciatis quod cum A. custos filii et heredis B.
[009] summonitus esset in curia nostra coram iustitiariis etcetera, ad respondendum
[010] tali abbati quare impedivit eundem abbatem præsentare idoneam
[011] personam ad ecclesiam de N. quæ vacat, et cuius ecclesiæ advocationem
[012] f.250] idem A. dicebat⁴⁵ ad se pertinere ratione dicti heredis, idem¹
[013] abbas venit in curia eadem et ostendit cartas antecessoris talis dicti
[014] heredis, per quas dicebat ius advocationis eiusdem ecclesiæ ad se pertinere.
[015] Tandem vero convenit inter eosdem² abbatem et A. de communi consensu
[016] quod ipsi communiter³ clericum eligant et eundem vobis præsentent, salvo
[017] tamen unicuique ipsorum abbatis et heredis iure suo in posterum, tam
[018] super possessione quam super proprietate, et ita quod neutri ipsorum⁴
[019] aliquid iuris depereat possessionis vel proprietatis cum prædictus heres
[020] ad hereditatem pervenerit. Et ideo vobis mandamus quod ad præsentationem
[021] prædictorum abbatis et A. idoneam personam ad eandem ecclesiam
[022] admittatis, salvo iure cuiuslibet, cum prædictus heres ad ætatem
[023] pervenerit, secundum quod prædictum est. Teste⁵ etcetera. Et quod de
[024] communi consensu eligi debet clericus et communiter præsentari propter
[025] minorem ætatem heredis, habetis de termino Sancti Michælis anno regis
[026] Henrici quarto decimo incipiente quinto decimo comitatu Derbeiæ, assisa
[027] ultimæ præsentationis de ecclesia de Elkedene.⁶ Item aliud breve de
[028] eadem materia ubi præsentatur clericus de communi consensu eorum qui
[029] sunt plenæ ætatis, ubi placitum fuit per breve de recto.

De clerico admittendo ubi quis præsentatur de communi consensu plurium qui sunt plenæ ætatis.

[031] REX tali episcopo salutem. Sciatis quod convenit in curia nostra coram
[032] iustitiariis etcetera, inter A. petentem et B. deforciantem de advocatione
[033] ecclesiæ de N. cum pertinentiis, unde placitum fuit inter eos in eadem
[034] curia, scilicet quod prædicti A. et B. idoneam personam eligant et ipsam⁷
[035] ad eandem ecclesiam unanimiter præsentent salvo iure cuiuslibet. Et ideo
[036] vobis mandamus quod ad præsentationem ipsorum A. et B., salvo iure

Notes

44. eorum, OC, MG, MC.

45. dicit, OC, MG.

1. ipse, V, MA, MB.

2. eos, OC, MG, CE, MB.

3. communiter inter eos, V, MA, MB; coniunctim, OC, MG (-ti).

4. eorum, OC, MG.

5. Om., OC, MG, CM, MC.

6. Ekkedene, Elluredene, Ewedene, MSS. var.

7. ipsi, OC, MG, CM; ipse, CE.