Bracton: Thorne Edition: Latin. Volume 3, Page 237

Harvard Law School Library

Bracton Online -- Latin

Volume 3, Page 237

Next

Go to Volume: Page:

[001] honestate episcopi, de gratia possit obtinere. Et ideo vobis mandamus
[002] quod³¹ non obstante reclamatione eiusdem B. ad præsentationem ipsius A.
[003] idoneam personam ad eandem ecclesiam admittatis, salva tamen eidem B.
[004] dicta portione sex marcarum cum³² augmentatione prædicta, si illam de
[005] gratia vestra³³ et cum honestate possit obtinere. Si quis per iudicium
[006] recuperavit³⁴ præsentationem suam ratione firmæ quam habuerit de aliquo
[007] manerio cum omnibus pertinentiis suis, nulla facta exceptione, tunc fiat
[008] breve episcopo³⁵ in hac forma.

Si per iudicium ratione firmæ.

[010] REX tali episcopo salutem. Sciatis quod³⁶ A. in curia nostra coram iustitiariis
[011] etcetera, per considerationem eiusdem curiæ nostræ recuperavit
[012] seisinam præsentationis suæ ad talem ecclesiam versus B., ea ratione quod
[013] prædictus A. habet manerium de N. ad firmam de prædicto B. cum omnibus
[014] pertinentiis suis, nulla facta exceptione vel quibusdam specialiter
[015] exceptis, nulla tamen facta mentione de advocatione, sicut patet manifeste
[016] per cartam ipsius B. quam idem A. in eadem curia nostra coram
[017] eisdem iustitiariis nostris ostendit, et etiam quam idem B. in eadem
[018] curia recognovit. Et ideo vobis mandamus quod non obstante reclamatione
[019] ipsius B., ad præsentationem prædicti A. ratione prædictæ firmæ
[020] secundum quod prædictum est idoneam personam ad eandem ecclesiam
[021] admittatis. Teste etcetera.

Si cartæ proferuntur contra minorem.

[023] SI minor infra ætatem assisam portaverit et proferantur contra ipsum
[024] cartæ antecessorum suorum ad quas ipse infra ætatem respondere non
[025] possit, vel si aliquis contra ipsum proferat breve quare impediat³⁷ et
[026] cartam exhibeat in iudicio ad quam respondere non possit minor, et³⁸
[027] ita quod de necessitate oporteat placitum remanere usque ad ætatem,
[028] proviso tamen quod ei qui est infra ætatem nihil iuris depereat, et ita
[029] quod de consilio curiæ eligant partes clericum et communiter præsentent,
[030] reservata tamen³⁹ quadam⁴⁰ minima pensione⁴¹ ut superius dictum est,
[031] eat breve ordinario loci⁴² in hac forma.

Breve de admittendo clericum ubi partes consentiunt in clericum propter minorem qui non potest ad cartas respondere.

[033] REX tali episcopo salutem. Sciatis quod cum A. qui est infra ætatem in
[034] curia nostra coram iustitiariis etcetera, peteret versus B. advocationem
[035] talis ecclesiæ per assisam ultimæ præsentationis inde⁴³ ibi inter eos summonitam,
[036] tandem convenit inter eos quod ipsi idoneam personam communiter

Notes

31. quod si, MA, MB.

32. Om., OC, MG.

33. nostra, MSS. var.

34. recuperaverit, OA, MA, MC; rec., OC, CM; recogn., MG.

35. Om., OC, MG, CM.

36. quod cum, OC, MG.

37. impedit, MA, MB, CM.

38. Om., OC, MG, CM.

41. possessione, MG, CM; portione, OC.

39-40. Om., OC, MG.

42. Om., MA, MB.

43. Om., V, MA, MB.