Bracton: Thorne Edition: Latin. Volume 3, Page 232

Harvard Law School Library

Bracton Online -- Latin

Volume 3, Page 232

Next

Go to Volume: Page:

[001] quod ecclesia sive capella non vacat, quo casu erit ordinarius consulendus,
[002] et secundum mandatum suum terminabitur negotium. Item dicere poterit
[003] quod nihil iuris clamat in⁴⁰ advocatione nec aliquem⁴¹ impedit præsentando,
[004] cum ipse sit in possessione rei et cum ecclesia vel capella non
[005] vacet. Eodem modo respondere posset patronus de non vacatione si
[006] summonitus esset quare præsentationem impediret tamquam ad ecclesiam
[007] vacantem, cum non vacaret. Cum autem impediens comparuerit,
[008] docere poterit multipliciter quod iniuste non impediverit, tum quia tenet
[009] tenementum ad quod advocatio pertinet, ex aliqua iusta causa adquirendi
[010] imperpetuum vel ad tempus sine aliqua exceptione, cum advocatione et
[011] cum⁴² omnibus pertinentiis suis, quod quidem multipliciter docere poterit
[012] per instrumenta et aliis pluribus modis, secundum quod superius perpendi
[013] poterit manifeste. Item⁴³ impedit patronus sive advocatus advocatum
[014] iuste præsentantem multis modis iniuste,⁴⁴ ut si contra factum proprium
[015] vel antecessorum suorum qui ius suum præsentandi dederint vel remiserint
[016] præsentanti vel antecessoribus suis. Item iniuste ut si contra ius
[017] commune, ubi quis habuerit tenementum ad quod pertinet advocatio,
[018] sine aliqua exceptione, ad tempus vel imperpetuum vel pendente lite
[019] donec discussum fuerit de iure, sive placitum fuerit de ipso tenemento
[020] cum pertinentiis sive tantum de ipsa advocatione. Item iniuste si⁴⁵ contra
[021] ea quæ rite acta sunt in curia domini regis per iudicium vel concordiam
[022] et finem factum. Item gravare poterit et vexare clericus clericum iniuste
[023] post præsentationem a suo patrono evictam⁴⁶ instituendum vel iam institutum,
[024] ad irritandum ea quæ in curia regis rite acta sunt: et quibus
[025] casibus ad auxilium regis erit recurrendum. Item poterit episcopus pen-
[026] f.248] dente lite ante lapsum sex mensium ecclesiam iniuste incumbrare,¹
[027] et ideo fieri debet ei inhibitio ne incumberet² vel ne ³ clericum
[028] admittat ad præsentationem alicuius donec placitum in curia regis⁴ fuerit
[029] terminatum, et maxime ante lapsum sex mensium. Ut si assisa ultimæ
[030] præsentationis arramiata fuerit inter aliquos duos vel plures, vel placitum
[031] quare impedit vel placitum super recto simul et semel vel aliquod⁵ istorum
[032] per se, non poterit ordinarius aliquem admittere ad præsentationem
[033] alicuius partis donec placita fuerint terminata, et si cum super iure fiat
[034] contentio et sciri non possit quis eorum ultimo præsentaverit,⁶ si autem
[035] constiterit de ultima præsentatione, cum⁷ fiat placitum de ipso iure, si
[036] ille⁸ qui⁹ in possessione fuerit præsentandi præsentaverit, tenetur episcopus

Notes

40. nec, OC, MG.

41. aliquid, OC, MG.

42. Om., OC, MG, CM, MC.

43-44. Om., OC, MG, CM, MC.

45. scilicet, OC, MG, CM.

46. eiectam, OC, MG.

1. incumberare, MSS. var.

2. sic, OA, CE, MB, MC, Y; incumbret, MA, CM, OC; incumbraret, V, MG.

3. Om., OC, MG.

4. domini regis, V, MA, MB, OC.

5. aliquid, OC, MG, CM.

6. præsentavit, OA, CE, MB.

7. tunc, V, OC, MG.

8. Om., OC, MG, CM.

9. quis, OC, CM.