Bracton: Thorne Edition: Latin. Volume 3, Page 226

Harvard Law School Library

Bracton Online -- Latin

Volume 3, Page 226

Next

Go to Volume: Page:

[001] possunt omnes formæ brevium de seisina facienda in uno brevi comprehendi,
[002] sicut infra dicetur per particulas.

De tenente in dotem præsentante aliquem clericum ad aliquam ecclesiam.

[004] SICUT mulier dotem habens et advocationem clericum præsentaverit qui
[005] admissus fuerit ad præsentationem suam, et heres et warantus de dote
[006] sua advocationem illam postmodum alicui dederit vel vendiderit, et
[007] vacante iterum ecclesia in vita mulieris alia vice illam contulerit, non
[008] obstante donatione heredis ex præsentatione sua seisinam præsentandi
[009] transmittit ad warantum suum et³⁰ heredes suos, et sic erit carta vacua
[010] et donatio nulla, cum donatarius loqui non possit de aliqua seisina. Item
[011] respondit³¹ aliquis sic contra assisam et dicat quod ille qui assisam profert
[012] præsentare non possit propter donationem et cartam subsequentem ut
[013] supra dictum est, si carta dedici non possit cadit assisa, et alius seisinam
[014] suam retinebit cum sit quasi in possessione post donationem et cartam
[015] confectam. Si autem omnino dedicatur, oportet quod probetur per testes
[016] in carta nominatos et per probos et legales homines vicinos, et ea probata
[017] ulterius impediri non poterit sua³² præsentatio. Et non est consimile³³ de
[018] rebus incorporalibus³⁴ quæ traditionem non patiuntur ei quod est de
[019] rebus³⁵ corporalibus, ubi nulla est³⁶ donatio nisi subsequatur³⁷ traditio
[020] et corporalis apprehensio ut supra. Si autem donator cartam recognoverit³⁸
[021] et dicat quod postea præsentaverit, hoc docere oportebit per assisam,
[022] nec stabitur simplici verbo suo nec præsumptioni³⁹ etiam tantum, licet
[023] proferat litteras ordinarii quod clericum admiserit ad præsentationem
[024] suam, nec erit necesse procedere ad assisam de seisina donatoris, quia
[025] per hoc quod concedit cartam excludit se a seisina et præsentatione
[026] sua, cum nihil⁴⁰ ostendere possit post confectionem cartæ de aliqua
[027] seisina. Item si quis tenuerit ad vitam per legem Angliæ vel alio modo
[028] cum⁴¹ advocatione⁴² ecclesiam semel contulerit, et postea advocationem
[029] dederit alicui episcopo forte qui illam præbendaverit, si heres post mortem
[030] talis assisam ultimæ præsentationis arramiaverit⁴³ et cognoverit præsentationem
[031] et donum illius qui tenuit ad vitam, cadit assisa sua tum⁴⁴ propter
[032] seisinam donatoris qualem⁴⁵ qualem tum quia ecclesia non vacat, et non
[033] competit ei remedium nisi super iure per breve de recto. Et de hac materia
[034] inveniri poterit⁴⁶ de⁴⁷ termino Sancti Michælis anno regis Henrici sexto
[035] incipiente septimo circa pricipium rotuli. Ut autem sciri possit quis

Notes

30. et ad, OA, CE, Y.

31. respondet, OC, MG.

32. Om., OA, CE.

33. simile, OC, MG, CM, MC.

34-35. Om., OC, MG, CM.

36. Om., OC, MG, CM.

37. subsequetur, OC, MG.

38. cognoverit, OC, MG.

39. præsentationi (--onem), OC, MG, CM, MC.

40. Om., OC, MG.

41. terram cum, OA, CE, MC.

42. advocationem et, OC, MG, CM (--ione et).

43. portaverit, OC, MG, CM.

44. Om., MA, MB.

45. talem, OC, MG, CM; om., CE, MA.

46. potest, OA, CE, MA.

47. item de, OA, CE; ut de, OC, MG.