Bracton: Thorne Edition: Latin. Volume 3, Page 22

Harvard Law School Library

Bracton Online -- Latin

Volume 3, Page 22

Next

Go to Volume: Page:

[001] suam, alius vero utendo iniuste in alieno nihil sibi per usum iniustum
[002] adquirit. Si autem ipsum² nullo modo expellere possit ad superioris auxilium
[003] erit recurrendum, ut ei pacifice uti liceat et quiete. Si autem omnino
[004] quis uti impediverit vel minus commode, incontinenti repellatur si fieri
[005] possit, alioquin ad superiorem recurratur ut supra. Incontinenti autem
[006] quid sit videndum et infra quod tempus. <Incontinenti vim vi repellere
[007] est quam³ cito⁴ sciri possit vim esse illatam, priusquam ille cui illata fuerit
[008] ad actum contrarium divertat.> Tempus autem non definitur,⁵ sed præsumitur
[009] quod tantum tempus habere deberet quantum haberet si esset
[010] super proprietate implacitatus, <scilicet quindecim dierum> quo tamen
[011] iure ad præsens non utitur. Videndum est tamen⁶ utrum disseisitus præsens
[012] fuerit vel absens tempore disseisinæ, et utrum ipse personaliter eiciatur
[013] vel eius procurator vel familia, vel dum absens fuerit alius ingrediatur in
[014] suam vacuam possessionem. Vacuam dico corpore, licet non animo. Si
[015] autem præsens fuerit tempore disseisinæ, tunc statim et eodem die si
[016] poterit reiciat disseisitorem, nisi hoc elegerit propter desperationem quod
[017] sibi velit perquirere, et electa via illa et facta impetratione, ad reiectionem
[018] redire non poterit, nec seisinam suam propria auctoritate resumere in
[019] præiudicium superioris ad quem iam devoluta est cognitio. Si autem talem
[020] viam non elegerit, fiat in crastino, tertio die vel quarto, vel ulterius cum
[021] debita continuatione, quod fieri debuit primo die. Quia si primo die reicere
[022] non potuit, potest tamen in crastino, et in crastino vires resumere, arma
[023] congerere et auxilium amicorum invocare, quod si per longum tempus expectaverit,
[024] videbitur per hoc iniuriam dissimulasse⁷ et per hoc illam penitus
[025] aboleri.⁸ Dictum est autem si possessor, procurator vel familia præsens
[026] eiciatur, et nunc dicendum erit si reversus ingredi prohibeatur vel repellatur,
[027] vel credat se posse repelli. Si autem absens fuerit ex quacumque causa
[028] necessaria⁹ negotiationis vel peregrinationis, vel alia, oportebit distinguere
[029] locorum distantiam et tempora et diligentiam vel negligentiam disseisiti,
[030] secundum quod fuerit in eodem comitatu prope vel in alio comitatu longe
[031] vel alibi, dum tamen infra regnum. Longe vel longius distinguatur quo
[032] tempore scire potuit disseisinam esse factam, et non tempus quo scivit. Et
[033] quo casu in veniendo computandæ sunt rationabiles dietæ, ut sic allocatis ei
[034] dilationibus rationabilibus infra quartum diem ut prædictum est <vel
[035] ulterius ex causa> deiciat disseisitorem, quod satis erit incontinenti, cum
[036] non currat tempus¹⁰ nisi a tempore scientiæ, et ex quo post scientiam venire
[037] potuit commode. Si autem extra regnum in peregrinatione simplici apud
[038] Sanctum Iacobum vel in servitio domini regis forte in Vasconia, dilationem

Notes

2. Om., MA, MB, CM; ipso, MG; illum, OC.

3. quod, OB, MA, MB, CM.

4. scito, OA, OB, MA, MC.

5. dif(f)initur, MSS.

6. Om., OB, MA, CM; igitur, MB.

7. dissimulare, V, LA, MC.

8. abolere, OC, MC.

9. intra, OB, MA, MB, CM.

10. ei tempus, OB, MA, MB, CM.