Bracton: Thorne Edition: Latin. Volume 3, Page 218

Harvard Law School Library

Bracton Online -- Latin

Volume 3, Page 218

Next

Go to Volume: Page:

[001] antecessor præsentavit iuste, sed de cetero præsentare non potest prædicta
[002] ratione. Et unde videndum erit³¹ imprimis an ille contra quem excipitur
[003] plenæ sit ætatis vel infra ætatem. Si autem plenæ ætatis fuerit,
[004] bene potest cognoscere cartam et donum, sed replicare poterit³² contra
[005] exceptionem quod post cartam illam præsentavit ille talem N. qui ad
[006] præsentationem suam fuit admissus, et ita quod carta illa vacua et
[007] donum nullum. Et hoc probare poterit per assisam captam in modum
[008] iuratæ et non³³ in modum assisæ, nisi ita sit quod querens habeat pro se
[009] triplicationem, ut si dicat quod quamvis carta vacua sit et donum nullum
[010] per secundam præsentationem ipsius donatoris, tamen³⁴ post illam præsentationem
[011] fecit ei idem talis et antecessor suus aliam cartam de donatione
[012] novam, et ita quod præsentatio pertinet ad ipsum: vel dicere potest
[013] quod primam cartam confirmavit, et fecit eam³⁵ validam per³⁶ confirmationem
[014] quæ invalida effecta³⁷ fuit per non usum et per secundam præsentationem,
[015] et hoc offerat probare per assisam et per testes in carta nominatos,
[016] si alius simpliciter negaverit cartam et confirmationem, nisi ita sit
[017] quod velit quadruplicare et docere se post hæc omnia præsentasse. Si
[018] autem ita³⁸ triplicare velit et concedere post primam cartam³⁹ factam
[019] esse præsentationem, et cartam sic esse vacuam, sed postea impetravit
[020] super eum breve de warantia cartæ, ad quod talis vel⁴⁰ antecessor suus
[021] summonitus fuit et⁴¹ in curia cartam illam recognovit et donum, et ita
[022] quod finis factus fuit, et⁴² cirographum quoddam⁴³ profert quod⁴⁴ testatur
[023] quod prædictus talis recognovit prædictam advocationem esse ius suum
[024] ut illam quam habuit de dono suo. Ad quod responderi poterit quod finis
[025] et cirographum ei nocere non debet quia idem talis qui cirographum
[026] profert et quod omnino dependet⁴⁵ ex quadam donatione imperfecta, eo
[027] quod ille qui cirographum profert nullam habuit seisinam, et ideo⁴⁶ cum
[028] carta vacua sit et donum imperfectum quia sine seisina, ideo⁴⁷ petat
[029] iudicium: quia cum⁴⁸ principale scilicet donum non valeat, nec ea quæ
[030] sequuntur et⁴⁹ ex dono dependent⁵⁰ valere debent,⁵¹ scilicet finis nec
[031] cirographum. Item esto quod quis dederit manerium cum advocatione
[032] alicui in feodo sibi et heredibus suis, et antequam ecclesia vacaverit ille
[033] cui donatum est et⁵² antequam præsentaverit manerium cum pertinentiis
[034] ad alium transtulerit, et tunc primo⁵³ ecclesiam vacare contingat, primus

Notes

31. Om., MSS. var.

32. potest, OC, MG, CM.

33. Om., OC, MG, CM, MC.

34. cum, V, MG.

35. ei, OC, MG, CM.

36. Om., OC, MG, CM.

37. facta, V; confecta, MA, MB.

38. Om., MA, MB, OC, MG, CM.

39. Om., OC, MG.

40. Om., OC, MG.

41. Om., MA, OC, MG.

42. in, OC, MG, CM.

43. quoddam quod, OA, OC, MG, CM.

44. et quod, OA, OC, CM; et, MG.

45. respondet, OC, MG.

46. Om., OC, MG, CM, MA (om. et ideo).

47. et ideo, V, MA, MB.

48. Om., MA, MB.

49. Om., MA, MB, OC, MG, CM.

50-51. vel dependent, MG, CM, OC (dependeret).

52. Om., OC, MG, CM.

53. postea, OC, MG, CM.