Bracton: Thorne Edition: Latin. Volume 3, Page 177

Harvard Law School Library

Bracton Online -- Latin

Volume 3, Page 177

Next

Go to Volume: Page:

[001] nomine alieno, si postmodum incipiat possidere in feodo et fiat dominus
[002] ubi prius fuit firmarius, quæritur an breve impetratum ei prodesse debeat.
[003] Videtur quod non, quia tempore impetrationis non habuit ius impetrandi,
[004] sed alius: et ideo tempus datæ spectandum erit.²¹ Ad hoc facit de²² ultimo
[005] itinere Martini de Pateshilla in comitatu Suffolciæ, assisa novæ disseisinæ
[006] de communa pasturæ, si Iohannes de Stantone. Item notandum quod sub
[007] nomine herbagii non continetur glans, et ideo tempore glandis et pessonæ
[008] excluduntur porci et capræ, nisi ad hoc specialiter agatur quod talem
[009] habeat²³ communam. Glandis enim nomine continentur glans, castanea,
[010] fagina et nuces, et alia quæque quæ depasci²⁴ poterunt præter herbam.
[011] Item respondere poterit quod nullam habuit pacificam²⁵ quia numquam
[012] ibi ingressum habuit, quin esset devadiatus et quin faceret emendas pro
[013] transgressione. <Cum iura traditionem non patiantur, sed cum ipsa re
[014] cui insunt scilicet cum corpore transferantur, ille ad quem transferuntur
[015] statim cum corpus habuerit²⁶ cui insunt iura illa quasi possidet, licet non
[016] statim utatur, semper videtur uti donec amittat per non usum licet statim
[017] uti non possit, quia non evenit tempus quo uti possit: sicut videri poterit
[018] in advocationibus et iure advocationis, quia antequam vacaverit uti
[019] non²⁷ poterit cum effectu antequam vacet ut præsentare posset. Item si
[020] libertatem habuerit iudicandi latronem et habendi furcas, non poterit
[021] uti tali libertate antequam casus evenerit. Item nec in assisis et mensuris²⁸
[022] iuratis antequam transgressio inde facta fuerit. Et idem in iure pascendi
[023] sicut in communa pasturæ antequam pecus habeat quod possit immittere,
[024] sed tamen est semper in possessione et videtur uti donec amiserit per non
[025] usum. Et poterit sic quis uti tam nomine proprio quam nomine²⁹ alieno.
[026] Ut si custos utatur nomine heredis qui fuerit in custodia sua, vel quis
[027] alius sicut rector ratione dignitatis vel ecclesiæ suæ: et semper talis utitur
[028] et possidet cuius nomine utitur vel³⁰ possidetur. Et cum ecclesia fungatur
[029] vice minoris, adquirit³¹ per rectorem et retinet per eundem sicut minor
[030] per tutorem. Et quamvis moriatur rector, non tamen cadit ecclesia a
[031] seisina sua de aliquo de quo rector seisitus moritur nomine ecclesiæ
[032] suæ, non magis quam minor si custos suus moriatur et pervenerit in
[033] alterius custodiam: et per hoc non mutatur status minoris. Et eodem modo
[034] fieri debet de rectore ecclesiæ ut videtur, et³² quod eandem seisinam habere
[035] debeat successor quam habuit suus prædecessor, quia ecclesia semper
[036] remanet in sua possessione quamvis rector moriatur. Et cum successor
[037] f.227] fuerit institutus, statim nomine ecclesiæ est quasi in possessione et

Notes

21. est, OB, MA, MB.

22. in, OB, MA, MB.

23. habeant, V, MG, MA.

24. pasci, OB, MA, MB.

25. seisinam pacificam, CM; pacificam possessionem, MG.

26. habuit, CE, MC.

27. Om., LA, MC.

28. mensuris et, LA, MC.

29. Om., MG, CM, LA.

30. et, V, MG, CM.

31. adquiritur, V, OC.

32. Om., V, MG.