Bracton: Thorne Edition: Latin. Volume 3, Page 168

Harvard Law School Library

Bracton Online -- Latin

Volume 3, Page 168

Next

Go to Volume: Page:

[001] f.223] eodem modo dissolvi potest ex mutua voluntate partium si velint
[002] dissentire per renuntiationem ex communi voluntate et per remissionem et
[003] quietam clamantiam. Et non sufficit si unus illorum remittere velit et
[004] resilire nisi ambo in hoc consentiant, quia nihil tam conveniens est
[005] etcetera. Et ita sicut adquiritur per communem consensum, ita amittitur
[006] per communem dissensum. Item sicut¹ adquiritur sine constitutione et
[007] consensu per patientiam et usum, licet patientia trahatur² ad consensum,
[008] ita amitti potest per negligentiam et non usum, imperpetuum vel ad
[009] tempus. Imperpetuum, ut si tempus excludat omnem actionem tam super
[010] possessione quam super proprietate, vel sic imperpetuum, ut excludat
[011] assisam super possessione et non super iure, quia assisa infra certum
[012] tempus limitatur, et sic tempus tollit omnem actionem vel aliquam. Item
[013] amitti potest ad tempus contra voluntatem, ut si quis ita negligens fuerit
[014] quod seisinam suam sine brevi et sine iudicio resumere non possit. Diligens
[015] enim debet esse quilibet in utendo, cum negligentia sicut violentia ei³
[016] possit esse damnosa, ut si hodie repulsus fuerit per vim, in crastino si
[017] possit immittat averia sua et utatur, et sic de die in diem: et sic non
[018] amittet⁴ seisinam propter diligentiam, licet illam habeat contentiosam.
[019] Si autem omnino per vim repellatur cui resisti non possit, vel saltem
[020] omnino non repellatur, sed quod commode uti non possit nec per modum
[021] constitutionis servitutis, statim recurrendum est ad illum qui iura tuetur,
[022] et habebit remedium per assisam quæ super hoc prodita est recuperandæ
[023] possessionis gratia, per breve quod tale est. Commode dico, ut si fiat
[024] aliquid in alieno ad nocumentum servitutis per quod omnino uti non
[025] possit vel non commode, ut si quis murum vel hayam fecerit, statim
[026] demoliuntur⁵ vel post tempus per assisam. Item si transferri debeat communa
[027] ad alium, oportet quod transferatur ad certas personas et a certis
[028] personis et a certis tenementis, usque ad certa tenementa quibus servitus
[029] debetur, quia huiusmodi iura sine corporibus esse non poterunt, scilicet
[030] sine corporibus quæ serviant et sine corporibus quibus servitur. Et quia
[031] incorporalia traditionem non patiuntur nec possideri poterunt⁶ sed quasi,
[032] ita nec transferri poterunt⁷ sed quasi. Et sufficit pro traditione⁸ aspectus
[033] loci in quo huiusmodi iura constituuntur, et mutua voluntas contrahentium
[034] et affectus possidendi, et ex sola voluntate et affectu est quis
[035] quasi in possessione, et licet statim non fuerit usus, tamen semper utitur
[036] vel quasi donec per non usum, scilicet per vim, per negligentiam vel⁹ per
[037] longam patientiam amittat seisinam. Ut si ille qui huiusmodi servitutem

Notes

1. aut, OB, MB; si, OC; om., MA.

2. trahat, OB, MA, MB, OC.

3. Om., OB, MA, MB.

4. amittat, OB, MA, MB.

5. demollientur, LA, MC; -antur, V, MG, CM.

6. possunt, OB, MA, MB.

7. possunt, OB, MA, MB.

8. proditione, OA, CE, OB, MA, MB.

9. Om., OB, MB, LA.