Bracton: Thorne Edition: Latin. Volume 3, Page 154

Harvard Law School Library

Bracton Online -- Latin

Volume 3, Page 154

Next

Go to Volume: Page:

[001] vel quod non pertineat ad distringentem,¹² et erit disseisina ubi nulla subfuerit
[002] causa distringendi. Item si subsit causa, tamen fieri poterit ordine
[003] non observato et adhuc simplex, ut si quis distringat tenentem suum per
[004] res suas dominicas cum habeat villenagium. Item si distringat tenentem
[005] tenentis sui, licet feodum suum, cum tenens suus qui medius est sufficiens
[006] habeat dominicum. Item ordine non observato,¹³ si fiat districtio per immobilia
[007] cum ibi sint mobilia vel se¹⁴ moventia. Item ordine non observato, si
[008] fiat districtio per immobilia et se non moventia cum sint ibi mobilia et se
[009] moventia. Item ordine non observato,¹⁵ si distringat per mobilia et se
[010] moventia intrinseca cum sint¹⁶ quæ¹⁷ sufficiant ad districtionem forinseca.
[011] f.217b] Item ordine non observato,¹⁸ si fiat districtio per oves, et sint per
[012] quæ ad minus damnum distringatur¹⁹ animalia otiosa. Item ordine non
[013] observato,²⁰ si fiat districtio per boves ut²¹ culturam auferat vel impediat,
[014] cum sint aliæ res²² quæ sufficiant ad districtionem. Et unde talis districtio
[015] potius dici debet disseisina quam transgressio, et ista iniuria simplex est.
[016] Item si subsit causa et observetur ordo, adhuc poterit esse iniuriosa si
[017] fuerit nimia et districtio modum excedat in qualibet specie. Non enim fieri
[018] debet magna districtio pro minimo delicto vel pro minimo servitio,²³ cum
[019] sit modus in rebus, sunt certi denique fines ultraque citraque nequit²⁴ consistere²⁵
[020] rectum, et hæc²⁶ similiter simplex. Item etsi omnia fiant cum ordine
[021] et mensura, poterit esse transgressio in districtione: ut si cum capta
[022] fuerint averia pro districtione et abducta²⁷ extra comitatum, ne deliberentur²⁸
[023] per vadium et per²⁹ plegium,³⁰ nisihoc factum fuerit ex iusta causa,
[024] ut si caput baroniæ fuerit extra comitatum et curia domini capitalis. Item
[025] si omnia bene conveniant et districtio sit mensurabilis et per modum, sive
[026] subfuerit causa distringendi sive non, si averia capta per vadia³¹ et plegios
[027] vetentur, vetitum illud non solum erit querenti iniuriosum, immo domino
[028] regi, cum sit contra pacem suam, et quia ubi deficiunt vadia et plegii
[029] deficit pax, et sic repetitis omnibus supra dictis, secundum quod in omnibus
[030] sit præsumptum vel in parte, aut erit transgressio simplex vel duplex
[031] vel ulterius, et secundum quod fuerit maior vel minor transgressio, erit
[032] vicina disseisinæ vel non erit.³² Et qualiter fieri debeant districtiones pro
[033] servitiis, supra plenius de districtionibus. Fieri autem poterit³³ disseisina

Notes

12. districtionem, Y, MG.

13. servato, OA, CE, OC, MC.

14. se non, V.

15. servato, V, CE.

16-17. Om., OB, MA, MB.

18. servato, CE, Y.

19. distringantur, V, MG, CM; possit distringi, OC.

20. servato, CE, Y.

21. vel, OB, MB; ad, CM.

22. res animalia otiosa, OC, MG, MC (ut a. o.), CM (scilicet a. o.).

23. servitio aggravari tamen poterit ut prima teneatur et plura capiantur, V, MC, LA (sim.).

24. ne quid (nequid), MSS. var.

25. resistere, OB, MA, MB.

26. hoc, V, OC, CM; sic, MSS. gen.

27. adducta, OA, OB, OC, MG, CM, LA.

28. liberarentur, OB, MA, MB.

29. Om., OB, MA, MB, CM, MG.

30. pleg. (= plegios?), MSS.

31. vadium, V, OC; vad., MA, MG, CM.

32. Om., OB, MA, MB.

33. Om., OB, MA, MB.