Bracton: Thorne Edition: Latin. Volume 3, Page 15

Harvard Law School Library

Bracton Online -- Latin

Volume 3, Page 15

Next

Go to Volume: Page:

[001] dicit. Et habeas etcetera. Et sic competit capitali domino actio ratione
[002] eschætæ et ratione custodiæ. Et cum nullum competat ei remedium
[003] ordinarium quod loqui possit de seisina propria vel antecessoris, de necessitate
[004] recurritur ad extraordinarium et ad huiusmodi brevia formata.
[005] Item aliud de eodem iure²⁴ alicui competente.²⁵ Et tunc sic.

Breve de intrusione.

[007] AD ostendendum quare intrusit se in tantam terram etcetera quam B.
[008] clamat tenere de C. filio et herede D. qui quidem terram illam²⁶ dedit
[009] prædicto B. in ligia potestate sua, de assensu et voluntate prædicti C. filii
[010] et heredis sui, et similiter de assensu et voluntate prædicti A. capitalis
[011] domini illius terræ, ut dicit. Vel aliter:

Item quare se intrusit.

[013] QUARE se intrusit in tantam terram etcetera quam idem B. clamat versus
[014] prædictum A. per breve nostrum de recto in tali curia. Et unde idem A. se
[015] posuit in magnam assisam nostram, et perquisivit sibi breve nostrum
[016] de pace nostra habenda usque ad adventum iustitiariorum²⁷ in partes
[017] illas, et in quas nondum venerunt, ut idem A. dicit. Vel aliter:

Item idem de eodem.

[019] QUARE se intrusit in tantam terram etcetera quæ ad ipsum B. reverti
[020] debuit post mortem talis mulieris quæ terram illam tenuit in dotem de
[021] dono talis, ratione finis facti inter prædictum B. et talem antecessorem
[022] ipsius A. cuius heres ipse est ut dicit. Et huiusmodi forma brevis locum
[023] habet in omni casu ubi quis se intruserit in terram aliquam quam quis
[024] tenuerit ad vitam suam nomine dotis, vel per legem Angliæ vel alio
[025] quocumque modo, et quæ reverti deberet post mortem talium ad verum
[026] heredem, vel²⁸ alios per finem factum vel alio quocumque modo. Si autem
[027] tales in vita sua donationes fecerint, tunc locum habebit breve de ingressu
[028] sicut infra dicetur.

Item si quis post mortem uxoris suæ se tenuerit in possessione.

[030] ITEM poterit quis post mortem uxoris suæ se tenere in seisina tamquam
[031] per legem Angliæ, licet liberos simul non habuerint. Et tunc fiat tale breve.
[032] Quia possessio aliquando ius parit et pro possessione præsumitur de
[033] iure, ideo infra annum ad minus eiciat verus heres intrusorem, vel si²⁹
[034] versus eum perquirat per breve, quia de longiori tempore non respondebitur
[035] ad intrusionem. Ut de termino Sancti Michælis anno regis Henrici
[036] nono incipiente decimo comitatibus Norfolciæ et Suffolciæ de Simone
[037] de Cockefeld, quod post longum tempus agi non poterit de intrusione,
[038] f.161] scilicet post decem vel duodecim annos, nec per breve nec sine
[039] brevi. Si autem intrusor recenter eiectus fuerit et antequam habuerit

Notes

24. de iure, OA, MC, LA.

25. competenti, OB, MA, MB, CM.

26. Om., OB, MA, MB, CM.

27. iustitiariorum nostrorum, OB, MA, MB, CM.

28. vel ad, V, MG, OC.

29. si non, V.