Bracton: Thorne Edition: Latin. Volume 3, Page 145

Harvard Law School Library

Bracton Online -- Latin

Volume 3, Page 145

Next

Go to Volume: Page:

[001] teneatur ad duo coniunctim, ut si dicatur, Do ut⁴³ facias istud et illud,
[002] quo⁴⁴ casu non sufficit unum fieri nisi fiat utrumque. Vel potest fieri condicio
[003] ad duo disiunctim, scilicet si fecerit⁴⁵ istud vel illud, quo casu sufficit
[004] unum fieri. Item alio modo poterunt inesse modus et condicio donationi,⁴⁶
[005] uno modo verbis affirmativis, ut si dicatur, Do ut facias: eodem modo
[006] verbis negativis, ut si dicatur, Do ne facias. Item poterit esse modus sive
[007] condicio⁴⁷ verbis affirmativis et negativis coniunctim, et sic erit duplex.
[008] Ut si dicatur, Do ut facias, et si non feceris volo quod terra data revertatur
[009] ad me vel ad⁴⁸ alios tales, vel quod liceat mihi et⁴⁹ heredibus meis ponere me
[010] in terram illam. Item e converso verbis negativis et affirmativis coniunctim,
[011] et sic erit duplex. Ut si dicatur, Do ne facias, et si feceris, tunc liceat⁵⁰
[012] mihi etcetera. <Et sive satisfactum sit condicioni sive non, et unus se
[013] ponere possit in seisinam et se tenere in eadem, habebit exceptionem ex
[014] conventione. Si autem intrare non possit propter vim tenentis, dabitur
[015] ei actio ex conventio ut infra.> Item fieri poterit verbis negativis, ut si
[016] dicatur, Do ne facias sine consensu et voluntate mea, et si feceris, quod tunc
[017] ponam me etcetera. Et cum hoc fecerit, adhuc non sufficit fieri nisi sciatur
[018] utrum hoc fecerit de voluntate vel contra voluntatem, quod probabitur⁵¹
[019] f.214] infra plus de hac materia, ut supra de donationibus. Cum igitur
[020] querens proposita querela sua illam fundaverit sic, et unde queritur quod
[021] talis iniuste etcetera¹ disseisivit eum de tanta² terra etcetera quam habuit
[022] de dono ipsius talis: et unde idem talis cepit homagium suum et posuit
[023] eum in seisinam vel per se vel per procuratorem suum vel per litteras
[024] etcetera: et unde fuit in seisina per tantum tempus donec idem talis³
[025] iniuste et sine iudicio eum⁴ disseisivit, et inde⁵ ponit se super assisam. Et
[026] notandum generaliter quod omnis intentio querentis in assisa novæ
[027] disseisinæ fundari poterit secundum omnia genera adquisitionis liberi
[028] tenementi, sive ex causa successionis, sive ex causa donationis, vel
[029] quacumque alia, sive in feodo sive ad vitam, vel secundum quod possessio
[030] alicuius pacifica⁶ fuerit vel turbata, vel secundum quod disseisina
[031] facta fuerit in ipsa⁷ principali, scilicet in corpore, vel in ipsius rei pertinentiis,
[032] sicut in iure, ut si quis ius habeat eundi vel⁸ pascendi in fundo
[033] alieno etcetera.⁹ Et¹⁰ talis venit et defendit¹¹ quod ipsum iniuste non
[034] disseisivit nec ei¹² aliquam fecit iniuriam, et bene cognoscit donum et
[035] homagium captum et seisinam, et totum quod proponitur a querente.

Notes

43. si, CE, Y.

44. in quo, OB, MA, MB.

45. feceris, OB, MA, MB.

46-47. Om., OB, MA, MB, OA, CE, Y, MC.

48. Om., LA, MC.

49. vel, OA, CE, LA, MC, OC.

50. licebit, OB, MA, MB; licet, LA, MC.

51. probatur, OC, CE, CM, MG; habetur, MA.

1. Om., MSS. var.; et sine iudicio, CE.

2. tota, LA, MC.

3. talis ipsum, OA, CM, MG.

4. Om., OB, MA, MB, OA, OC, MG, CM.

5. unde, OC, MG.

6. pacificata, V, OB.

7. ipso, V, MA, MG; sic, MSS. gen.

8. et, OB, MA, MB.

9. Om., LA, MC.

10. Om., OB, MA, MB.

11. d. contra ipsum, OB, MA, MB.

12. Om., OB, MA, MB.