Bracton: Thorne Edition: Latin. Volume 3, Page 144

Harvard Law School Library

Bracton Online -- Latin

Volume 3, Page 144

Next

Go to Volume: Page:

[001] ipse heres esset vel non, vel quis esset heres. Vel si obiit seisitus ut de
[002] feodo, ille querens non potuit esse heres quia nec fuit filius nec heres sed
[003] f.213b] bastardus, vel si filius et heres propinquus, alius fuit propinquior,
[004] scilicet talis. Ad quod replicari poterit a querente quod ipse heres est,
[005] et licet heres esse non posset, tamen fuit ibi per tantum tempus²⁶ quod
[006] sine iudicio eici non debuit, et aliæ infinitæ exceptiones inde elici poterunt,
[007] quæ omnes per assisam in modum iuratæ terminantur et quæ non recipiunt
[008] convictionem, sed ista sufficiant²⁷ ad præsens exempli causa. Et de similibus
[009] vel²⁸ diversis idem processus.

Si donatio cadat in assisam.

[011] Si autem donatio incidat in assisam multæ poterunt exceptiones competere
[012] ex donatione, ut si dicat querens quod fuit in seisina illius tenementi
[013] de donatione talis per tantum tempus donec talis eum eiecit. Excipi
[014] poterit contra eum quod ille qui donasse debuit numquam habuit inde
[015] aliquam seisinam quod donationem inde facere posset, vel quia omnino
[016] nullam, vel quia si habuit²⁹ tenementum illud prius dederat³⁰ tali per
[017] cartam suam antequam aliam³¹ cartam fecisset prædicto querenti, ita
[018] respondere poterit, quod si aliquam seisinam inde habuit, nullam habuit
[019] nisi post mortem donatoris per intrusionem, et de qua recenter fuit eiectus
[020] et³² incontinenti. In quo casu cadit assisa in iuratam, ut sciatur si seisinam
[021] habuit in vita donatoris vel non, et per hoc terminabitur negotium. Si
[022] autem nihil omnino sciverint de seisina, querens nihil capiat³³ per iuratam.
[023] Si autem dubitaverint, pro possessore erit iudicandum. Si autem ita
[024] dicant quod de seisina querentis bene certi sunt, et quo die positus fuit
[025] in seisinam, sed de morte donatoris nihil sciunt³⁴ quia obiit in remotis et
[026] in alio comitatu: ideo in comitatu in quo obiit per aliam iuratam inquiratur
[027] de veritate. Et sic coniunctis³⁵ illis³⁶ duabus inquisitionibus terminabitur
[028] negotium, et adiudicabitur pro una parte vel pro alia: et hoc sufficiat hic
[029] exempli causa.

Si conventio vel pactum cadat in assisam, vel modus donationis.

[031] CADERE etiam poterit in assisam pactum sive conventio, si autem³⁷
[032] apposita fuerit in initio donationis et ita inerit donationi, et donationem
[033] informabit. Et eodem modo inesse poterit modus,³⁸ condicio et³⁹ causa,⁴⁰
[034] et donationem informabunt. Modus, ut si dicatur, Do ut⁴¹ facias. Condicio,
[035] ut si dicatur, Do⁴² si feceris. Item potest condicio apponi sic quod quis

Notes

26. tempus in seisina, CE, Y.

27. sufficiunt, MA, MG.

28. et, OB, MA, MB.

29. habuerit, CE, Y, MC.

30. dedit, V, MA; dederit, MC, CM, MG.

31. aliquam, OC, CM, LA.

32. etiam, OB, MA, MB.

33. capiet, LA, MC.

34. scivit, LA, MC, MG.

35. coniunctus, convictus, convictis, comittis, MSS. var.

36. istis, OB, MA, MB; om., CE.

37. Om., OC, MG, LA.

38. Om., OB, MA; om. et eodem . . . informabunt, MB.

39-40. Om., CE, Y, MC.

41-42. Om., OB, MA, MB.