Bracton: Thorne Edition: Latin. Volume 3, Page 137

Harvard Law School Library

Bracton Online -- Latin

Volume 3, Page 137

Next

Go to Volume: Page:

[001] civitatem vel³³ burgum qui deputatus sit ad aliquem usum communem,
[002] hic erit transgressio et non disseisina, et fiat iudicium ut supra.

f.211] Datur exceptio tenenti si erratum fuerit in nomine villæ.

[004] DATUR etiam exceptio tenenti contra querentem ex nomine¹ villæ. Dicitur²
[005] enim de libero tenemento suo in tali villa, ut licet non sit error de loco,
[006] tamen errare poterit quis, ut si credat tenementum esse in uno comitatu
[007] vel in una villa, cum sit in alio comitatu et in alia villa. Item quia credit
[008] quis unicam mansionem esse villam cum non sit. Et unde videndum est
[009] quid sit mansio et quid villa. Et sciendum quod de iure gentium agris
[010] sunt termini positi, ædificia sunt collata sive vicinata, et ex qua collatione
[011] fiunt civitates et villæ, et ex pluribus ædificiis collatis et vicinatis et non
[012] ex unico ædificio constructo. Ut si quis in agris unicum faciat³ ædificium,
[013] non erit ibi⁴ villa. Sed cum ex processu temporis inceperint coadunari⁵
[014] et vicinari plura ædificia, incipit esse villa. Et sic poterit esse tenementum⁶
[015] in tali villa et non prius, et tamen villa ad quam prius ager ille pertinebat
[016] non desinit esse villa, sed utraque stat in suo nomine, et sic villa ultimo
[017] vicinata habet suos terminos et sua tenementa definita.⁷ Sed non sunt
[018] ita in una quin sint in alia primo vicinata, habita consideratione ad prioritatem,
[019] quia id quod prius dignius est, et ita poterit esse tenementum
[020] in una et in alia villa. <Oportet quod tenementum ita sit in una quod
[021] non in alia, ut si fuerit in villa prius vicinata, sic⁸ in una tantum et non
[022] in alia. Si autem in villa posterius fundata, sic esse poterit in utraque
[023] sive qualibet earum⁹ per se.> Sed non convertitur, quia id quod est in
[024] villa prius vicinata non erit in villa quæ posterius fundata,¹⁰ et sic in
[025] una et non in alia, ratione et privilegio prioritatis. Sed id¹¹ quod est in
[026] villa posterius vicinata et fundata continebitur in villa prius vicinata,¹²
[027] et sic esse poterit tenementum omnino in utraque villa, vel ita in una
[028] quod nihil in alia, sive sint ibi diversi comitatus et diversa feoda et
[029] diversa dominia. Item poterit esse tenementum in una villa et in alia,
[030] sed distingui debet quantum in una et quantum in alia. Sed si totum¹³
[031] sit in una ex duabus, sed dubitetur in qua, et querens mentionem faciat
[032] in breve de utraque, dicendo quod in tali villa et in tali, videtur quibusquam
[033] quod non sufficit si probet tenementum esse in una,¹⁴ nisi probaverit
[034] tenementum esse in utraque, et si defecerit, quod ex toto cadat¹⁵ assisa,

Notes

33. et, OB,MA, MB.

1. nominatione, OC, MG, LA, CM.

2. datur, LA, MC.

3. facit, CE, MB, MG; fiat, OC; fecerit, CM.

4. Om., OB, MA, MB.

5. coadiun(v)ari, OB, MA, MG; coadhunari, LA.

6. Om., OB, MA, MB.

7. diffinita, MSS. gen.

8. sit, V, MC.

9. eorum, LA, CM.

10. fundata est, CE, OB, MB.

11. illud, MA, CM; idem, MB; om., Y, OB.

12. Om., OB, MA, MB.

13. totum tenementum, OB, MA, MB.

14. una villa, CE, Y, MC.

15. cadit, MSS. var.