Bracton: Thorne Edition: Latin. Volume 3, Page 125

Harvard Law School Library

Bracton Online -- Latin

Volume 3, Page 125

Next

Go to Volume: Page:

[001] sed bastardos et perinde nullos, habuerunt quidem¹⁹ liberum
[002] tenementum cum uxore, sed desinunt²⁰ habere statim ea deficiente. Item
[003] sunt quidam²¹ seisiti et in seisina quoad liberum tenementum et non quoad
[004] feodum, sicut sunt illi qui tenent tantum²² ad vitam suam, sicut uxor
[005] dotem ex causa dotis. Item vir post mortem uxoris per legem Angliæ,
[006] vel ex causa donationis ad terminum vitæ vel donec sit provisum. Item
[007] f.206b] sunt quidam²³ qui sunt in seisina et seisiti,²⁴ sicut sunt²⁵ illi qui
[008] tenent in feodo sibi et heredibus suis et qui statim²⁶ habent liberum tenementum
[009] et proprietatem. Item sunt quidam in seisina et licet non seisiti,
[010] sicut intrusores et disseisitores contra²⁷ voluntatem domini possessionem
[011] ingrediuntur, vel si cum voluntate, sicut creditor et firmarius qui²⁸ utuntur
[012] seisina aliquando cum²⁹ expletiis aliquando sine. Et³⁰ eodem modo illi qui
[013] sunt in seisina et seisiti quandoque utuntur seisina cum expletiis et
[014] quandoque sine.³¹ Et licet statim non utantur vel³² expletia ceperint,
[015] tamen statim cum in seisina fuerint ex causa successionis vel ex iusto
[016] titulo, scilicet ex causa donationis a vero domino, statim habent³³ liberum
[017] tenementum cum concurrant in unum et in unam personam seisina et ius,
[018] nec multum facit ad seisinam quoad liberum tenementum usus vel captio
[019] expletiarum, quia nihil conferunt seisinæ vel tenemento nisi quasi quoddam
[020] vestimentum, ut seisinam roborant et faciant clariorem. Item potest
[021] esse quis seisitus et in seisina et habere liberum tenementum quoad
[022] feoffatorem suum et quoad alios qui ius non³⁴ habent statim post feoffamentum.
[023] Et in seisina potest esse et non seisitus quoad verum dominum,
[024] ut si quis a non domino feoffatus fuerit et qui in possessione fuerit quacumque
[025] de causa, nisi hoc fuerit post tempus ut prædictum est. Et quod quis
[026] sine usu et expletiis habere possit liberum tenementum videri poterit per³⁵
[027] hoc, quod numquam in causa possessionis in aliqua assisa fit mentio de
[028] expletiis, licet aliquando de usu, sicut fit in causa proprietatis, quia ad
[029] hoc quod quis proprietatem habeat, non sufficit³⁶ esse in seisina sicut ad
[030] liberum tenementum nisi utatur cum effectu, ita quod expletia capiat et
[031] quod sic habeat ius suum duplicatum, scilicet dreit dreit. Est enim ius
[032] possessionis et ius proprietatis. Item excipere poterit contra assisam quod
[033] talis querens numquam fuit in seisina per se, quia licet cartam de feoffamento
[034] haberet, tamen feoffator suus semper remansit in seisina, et unde
[035] iste nullam seisinam habuit per quod possit³⁷ disseisiri. Item si³⁸ feoffator

Notes

19. quidam, OA, CE, Y, OC; quod, LA, MC.

20. desinit, OB, MA, MB.

21. quidem, MSS. var.

22. tenementum, LA, MC; ten. tantum, MB.

23. quidem, MSS. var.

24. seisiti sunt, LA, MC.

25. Om., LA, MC.

26. feodum, IA, MC.

27. qui contra, Y.

28. quæ, LA, MC.

29. de, LA, MC.

30-31. Om., OB, MA, MB.

32. nec, OB, MA, MB.

33. habet, LA, MC; om., OA, OB, MA, MB.

34. Om., V.

35. in, OB, MA, MB.

36. sufficiat, LA, MC.

37. posset, OA, CE, Y, CM.

38. ei, OB, MA, MB.