Bracton: Thorne Edition: Latin. Volume 3, Page 120

Harvard Law School Library

Bracton Online -- Latin

Volume 3, Page 120

Next

Go to Volume: Page:

[001] de facto suorum. Si autem contra eos, recuperabit querens, et dominus
[002] cum redierit, si factum eorum advocaverit, incidit in pœnam disseisinæ
[003] cum suis, et si viderit sibi expedire agat de convictione. Si autem antequam
[004] redierint et advocaverint disseisinam moriantur domini et succedant
[005] heredes, adhuc possunt heredes factum suorum advocare vel
[006] deadvocare ante captionem assisæ, quia eorum factum ab antecessore non
[007] fuit advocatum, quod si esset, ita esset primus et principalis disseisitor
[008] et teneretur ad³¹ pœnam et ad restitutionem, et sic non transiret disseisina
[009] usque ad heredes quoad pœnam, quamvis quoad restitutionem
[010] per breve de ingressu. Sed cum non advocavit,³² sic transit advocatio
[011] disseisinæ usque ad heredes ut³³ sic advocent factum vel non advocent,
[012] et sic teneantur de iniuria vel non teneantur. Quod autem dictum est de
[013] domino et herede suo dici poterit de abbate vel priore mortuo et eorum
[014] successoribus. Si autem abbates et priores vivi sint, et antequam advocaverint
[015] depositi vel ad alias dignitates translati, adhuc erit idem in
[016] personis successorum quod dicitur superius in personis heredum, sive
[017] impetratum sit contra eos sub proprio nomine appellativo³⁴ vel sub
[018] nomine dignitatis vel sub utroque. Si autem ante depositionem³⁵ vel
[019] mutationem advocaverint disseisinam, ipsi tenentur post depositionem³⁵
[020] vel mutationem, et ita quod si ante depositionem³⁵ vel mutationem impetratum
[021] sit contra eos, procedet³⁶ assisa sub³⁷ nomine abbatis vel prioris
[022] etiam post depositionem vel mutationem. Si autem post³⁸ depositionem
[023] vel mutationem fuit impetratum, cum advocarent³⁹ tenentur tamen ex
[024] ratihabitione et conveniendi sunt per breve de⁴⁰ nova disseisina,⁴¹ non
[025] sub nomine abbatis vel prioris sed per tale breve: Questus est nobis talis
[026] quod talis monachus vel canonicus quondam abbas de tali loco et tales
[027] iniuste etcetera. Et idem erit si translatus fuerit, scilicet episcopus talis
[028] etcetera.

Si quis recenter ingreditur post disseisinam.

[030] SI quis autem recenter ingreditur post disseisinam flagrante maleficio,
[031] non est mirum si teneatur de disseisina cum res in se sit vitiosa propter
[032] disseisinam. Scit enim⁴² aut scire debet quæ vel⁴³ qualis sit res quam
[033] ingreditur si vitiosa per disseisinam, sicut ille qui rem emit scire debet
[034] utrum libera sit vel serva per impositionem sive constitutionem servitutis.
[035] Item utrum sit onerata vel non. Item utrum contentiosa sit per diligen-

Notes

31. et ad, OA, CE, LA.

32. advocaverit, LA, MC.

33. et, OB, MA, MB, CM.

34. appellationis, V; appellato, appellatum, MSS, var.

35. dispositionem, MSS, var.

36. procedat, V, MB, OC.

37. Om., OB, MA, MB, CM.

38. sic, V, CE, Co, Y; ante, OB, MA, MB, CM, LA, MG; ante post, MC; om., OA, OC.

39. advocaverint, LA, MC.

40-41. novæ disseisinæ, OB, MA, MB, CM.

42. Om., OB, MA, MB, CM.

43. et, OB, MA, MB, CM, Y.