Bracton: Thorne Edition: Latin. Volume 3, Page 119

Harvard Law School Library

Bracton Online -- Latin

Volume 3, Page 119

Next

Go to Volume: Page:

[001] incipiunt esse principales disseisitores vel detentores, non per se sed cum
[002] aliis primis et principalibus. Item sunt primi et principales disseisitores
[003] quoad primum et principalem disseisitorem et quoad primum disseisitum,
[004] cum statim post primam disseisinam primum et principalem disseisitorem
[005] disseisiverint,⁸ quia tenentur de disseisina tam primo disseisito propter
[006] recentiam disseisinæ, quam primo et principali disseisitori propter commodum
[007] possessionis. Si autem post intervallum disseisinam fecerit, non
[008] tenetur disseisito primo nisi tantum ad restitutionem, et non ad pœnam.
[009] Secundo vero⁹ disseisito et dissesitori tenetur ad utrumque, et refert
[010] utrum fiat translatio ante impetrationem brevis vel post. Item primus et
[011] principalis esse poterit unus per se, et alii¹⁰ secundarii,¹¹ plures sicut unus,
[012] ut si post primam disseisinam res¹² translata fuerit ad plures, sive¹³ de¹⁴
[013] voluntate primi disseisitoris sive¹⁵ contra voluntatem. Et eodem modo
[014] possunt esse plures primi et principales disseisitores quoad iniuriam, et
[015] principales disseisitores quoad rem post partitionem. Item possunt esse
[016] disseisitores, licet non principales neque primi neque secundarii, sicut
[017] sunt illi qui sunt in auxilio et consilio, et ad quos nihil pervenerit de re
[018] disseisita. Item facit quis disseisinam non nomine proprio ut prædictum¹⁶
[019] est, sed nomine¹⁷ alieno, ut si¹⁸ procurator, servus vel familia nomine
[020] f.204b] dominorum fecerint disseisinam, ipsi semper erunt primi et
[021] principales quousque domini eorum factum¹⁹ eorum²⁰ advocaverint et²¹
[022] disseisinam vel²² deadvocaverint.²³ Si autem advocaverint, tunc incipiunt
[023] esse principales disseisitores et primi,²⁴ principales propter seisinam²⁵ rei
[024] disseisitæ, et primi eo quod ratum habent factum suorum,²⁶ quia ratihabitio
[025] retrotrahitur ad primum factum suorum, et sic incipiunt esse
[026] primi et principales et sui²⁷ desinunt esse principales. Si autem factum
[027] suorum²⁸ deadvocaverint, et cum interpellati fuerint qualitercumque ab
[028] homine vel alio modo factum non emendaverint, adhuc tenentur, dum
[029] tamen si præsentes sint et se gratis posuerint²⁹ in assisam licet in brevi
[030] non nominentur. Si autem factum suorum emendaverint sive ante impetrationem
[031] sive post, dum tamen ante captionem assisæ, a pœna disseisinæ
[032] liberabunt se et suos. Si autem in remotis agant domini ita quod interpellari
[033] non possint,³⁰ nec aliquid sciverint de disseisina, propter hoc non
[034] remanebit assisa in odium disseisitorum, et remanebunt disseisitores primi
[035] et principales, ita quod si assisa faciat pro eis remaneant domini in seisina

Notes

8. disseisiverunt, MA, CM, LA; disseisiverit, MC, Y, MG.

9. vero modo, OB, MA, MB, CM.

10. alio, OA, OB, MB, CM.

11. secundario, OA, OB, MB, CM, LA, MC.

12. Om., OB, MA, MB, CM.

13-14. sine (sive), OB, MA, MB, CM.

15. Om., OB, MA, MB, CM.

16. dictum, LA, MC.

17. Om., OB, MA, MB, CM.

18. si est, LA, MC.

21. vel, LA, MG.

19-20. Om., OB, CM, MC.

22. et, LA; om., MC, MG.

23. deadvocaverunt, LA, MC; deadvocaverit, OB, MB, CM.

24. primi et, OA, CE, Y, MG.

25. disseisinam, LA, MC.

26. eorum, OB, MA, MB, CM.

27. inde, LA, MC.

28. eorum, LA MC.

29. posuerunt, LA, MC.

30. possunt, LA, MC.