Bracton: Thorne Edition: Latin. Volume 3, Page 117

Harvard Law School Library

Bracton Online -- Latin

Volume 3, Page 117

Next

Go to Volume: Page:

[001] quantum ad dominum facit se non tenentem per deadvocationem quantum
[002] ad se ipsum, et sic iacebit assisa: quia esto quod extraneus non
[003] dominus per vim compellat tenentem quod ei solvat redditum vel quod
[004] domino non solvat contra voluntatem tenentis, talis extraneus domino
[005] facit disseisinam et non tenens quasi de libero tenemento domini. <Cum
[006] tenens ad tuitionem sui excipiat contra assisam quod assisa procedere
[007] non debeat¹⁰ de servitio quia tenet¹¹ de tali, statim propter cognitionem
[008] cessat districtio et cadit assisa, sed non ut ille contra quem assisa arramiata
[009] est quietus recedat, sed per hoc quod cognoscit quod de eo tenet
[010] in iudicio, sine alio brevi præcipiatur vicecomiti quod distringat confiten-
[011] f.203b] tem propter cognitionem quod solvat servitium debitum, et
[012] quod vicecomes sit in auxilium ad distringendum si opus fuerit, et si
[013] contentio fuerit de qualitate vel quantitate servitii, hoc remaneat inter
[014] partes discutiendum.> Et illud idem erit si tenens de voluntate sua
[015] solvat extraneo. Sed versus¹² extraneum competit assisa domino si dominus
[016] voluerit et contra tenentem districtio, cum dominum non deadvocaverit,
[017] sed altero istorum contentus erit. Si autem per districtionem
[018] versus tenentem recuperaverit cum deadvocatus non fuerit, vel cum
[019] deadvocatus fuerit recuperaverit redditum per assisam, ille qui deadvocavit
[020] vel gratis solvit non domino utrique¹³ de servitio teneatur, domino
[021] per¹⁴ necessitatem et non domino propter voluntatem, et ita fiat¹⁵ districtio
[022] sive plures fuerint medii sive non, quia capitalis dominus semper
[023] se capiat¹⁶ ad feodum suum et tenens ad suum warantum. Districtio
[024] tamen domini modum debitum non excedat, quia semper iacet districtio
[025] quicumque fuerit in possessione, custos, creditor, firmarius vel alii. Item
[026] si quis¹⁷ tenentem eiecerit, domino competit districtio et tenenti disseisina.
[027] Si autem sit redditus qui¹⁸ detur alicui ex tenemento in feodo sibi et
[028] heredibus suis, aut datur cum districtione vel sine. Si autem cum, tunc
[029] ut supra. Si autem sine, tunc assisa. Si autem redditus sit proveniens ex
[030] camera, tunc nec districtio nec assisa, sed breve de annuo redditu. Item
[031] si¹⁹ redditus sit proveniens ex tenemento solvendum²⁰ per manum²¹
[032] alterius quam tenentis, adhuc²² subesse poterit districtio vel disseisina.
[033] Item competit redditus alicui non aliqua ratione prædicta sed ratione
[034] alicuius rei intermediæ,²³ ut si percipiat redditum aliquem ratione alicuius
[035] hundredi, cum quidam finem fecerint pro sectis et huiusmodi, non poterit
[036] quis assisam habere ratione talis redditus nisi habeat hundredum, et qui

Notes

10. debet, LA, MC, OC.

11. tenetur, V, MG, OC.

12. servus, OA, CE, OB, MA, MB; secundum ius, CM.

13. uterque, V, OB, OC, LA, MC, MG.

14. propter, OB, MA, MB, CM.

15. fiet, LA, MC.

16. capiet, LA, MC.

17. aliquis, LA, MC, OC, MG.

18. quod, OC, MG, LA, MC, OA, Y, Co.

19. Om., OB, MA, MB.

20. sic, MSS.; solvendus, V.

21. manus, OC, MG. V.

22. et huc, LA; et adhuc, MC.

23. mercandiæ, LA, MC.