Bracton: Thorne Edition: Latin. Volume 3, Page 110

Harvard Law School Library

Bracton Online -- Latin

Volume 3, Page 110

Next

Go to Volume: Page:

[001] et ipse neget²⁷ vel dicat²⁸ contrarium vel gratis se inde posuerit in iuratam,
[002] cum tali tamen protestatione quod si dicant iuratores quod servus sit,
[003] remaneat assisa sine aliqua recuperatione habenda per convictionem²⁹ vel
[004] alio modo, et vice versa si dicant ipsum esse liberum quod procedat³⁰
[005] assisa, nec erit in hac parte locus ioco³¹ partito nec etiam convictio propter
[006] mutuam utriusque voluntatem. Et vice versa si non fuerit opposita exceptio
[007] villenagii, sed querens et tenens si se simpliciter ponant in assisam, et
[008] absque eo quod aliquid dicatur contra assisam, si iuratores dicant pro una
[009] parte sive pro alia, locus erit convictioni quia assisa capta est in modum
[010] assisæ et non iuratæ, et hoc sive querens liber sit sive servus sub potestate
[011] domini constitutus vel extra. Ad hoc facit ut videtur de itinere Roberti de
[012] Veer et Martini de Pateshilla in comitatibus Oxoniæ et Herefordiæ³² anno
[013] regis Henrici quinto. Item si quis quocumque modo vel manumissus vel
[014] privilegiatus vel alius in servitutem petitus qui perpetuam habuerit exceptionem
[015] in tali statu obierit, et filius vel alius heres postmodum seisinam
[016] talis antecessoris post mortem ipsius nactus³³ fuerit, et sine iudicio eiectus,
[017] per assisam novæ disseisinæ recuperabit propter liberum statum antecessoris
[018] sui. Et vice versa si liber homo in statu servili obierit, ut si ingrediatur
[019] ad ancillam in villenagium vel libera se³⁴ copulet³⁵ villano, vel si liber homo
[020] bona fide possessus ab aliquo, sive in libertatem proclamaverit sive non,
[021] et ita in statu servili obierit, filius vel alius heres si post eum seisinam
[022] habuerit et iniuste et sine iudicio eiectus de aliquo tenemento quod pater
[023] vel alius antecessor tenuit, dum tamen sub potestate alicuius constitutus
[024] sicut servus licet re vera liber sit, heres eius per assisam novæ disseisinæ
[025] non recuperabit, maxime propter statum servilem in quo antecessor obiit.
[026] Et ad hoc facit de itinere Willelmi de Ralegha in comitatu Bukinghamiæ,
[027] assisa novæ disseisinæ,³⁶ si Lucia. Et inter cetera notandum quod licet
[028] f.201] villanus in civitate vel in loco privilegiato manserit vel extra
[029] potestatem domini fuerit, seisinam aliquam antecessoris petere non poterit,
[030] licet possit propriam in causa spoliationis, alienam autem petere non
[031] poterit si antecessor de cuius seisina petierit villanus fuit, quia villanus
[032] erga dominum suum sub cuius potestate fuerit actionem non habebit in eo
[033] quod villanus existens in statu servili, quia heredem non habebit nisi dominum
[034] suum. De tenemento autem de quo feoffatus fuerit, sive extra potestatem
[035] domini sive sub potestate, dum tamen dominus tenementum tale in
[036] manum suam non¹ ceperit, si eiectus fuerit ab aliquo quocumque quam a

Notes

27-28. dicat quod neget, OB, MA, MB, CM.

29. victionem, LA, MC.

30. procedet, MA, MG, MC, LA, CM.

31. loco, OB, OC, CM, MG.

32. Hertford., OA, CE.

33. natus, LA, MC.

34. sit, OB, MA, MB, CM.

35. copulata, MB, CM; et copuletur, MA.

36. Om., OA, OB, MB, MG, Y.

1. Om., OB, MA, MB, CM.