[001] non propter ipsarum nuptiarum affectionem efficiuntur, secundum quod [002] superius tactum est. Et si tales fieri possent donationes ob amorem inter [003] virum et uxorem habitum, posset alter ipsorum egestate et inopia consumi, [004] quod non est sustinendum. Et unde donatio inter virum et uxorem [005] ab initio invalida est, et nullo tempore valitura, nisi post mortem eorum [006] interveniat confirmatio heredum qui possent huiusmodi donationem confirmare.43 [007] Confirmatio vero talium validam facit donationem quæ prius [008] fuit invalida, et omnem supplet defectum.
Si felo post feloniam donationem facere possit.
[010] ITEM inter alia videndum44 an ille qui feloniam fecerit donationem facere [011] possit et feoffare, vel ad terminum dimittere, ad hoc quod valeat donatio [012] vel dimissio, et si ea quæ ante feloniam fecerit quando voluit et potuit valere [013] debeant et tenere, sive terram dimiserit ad terminum vel in feodum, et [014] etiam si ea quæ post feloniam factam fecerit aliquo vel omni tempore valere [015] debeant et tenere. Ad quod videndum utrum donatio facta fuerit ad terminum [016] vel in feodo et perfecta quando voluit et potuit, et45 valet quidem [017] quod agitur tam de termino quam de feoffamento. De feoffamento vero [018] planum est. Sed de termino posset dubitari, quia videtur prima facie quod [019] terra sic data ad terminum ante feloniam, statim cum fuerit condemnatio [020] subsecuta, licet terminus non46 sit completus,47 debeat esse eschæta [021] domini capitalis, quasi deficiente waranto: ad similitudinem eius quod [022] dicitur, quod si aliquis dimiserit terram aliquam alicui usque ad terminum [023] annorum, et ille qui dimiserit ante terminum completum moriatur, herede [024] relicto et infra ætatem existente, si capitalis dominus firmarium eiecerit [025] cum confirmatio48 sua non intervenerit, remanebit terra in manu capitalis [026] domini, cum blado et fructibus in terra illa inventis, usque ad heredis ætatem, [027] quamvis heres terminum illum warantizare teneatur. Et sic videtur [028] quod multo fortius eici possit firmarius post feloniam factam et convictam [029] quasi deficiente waranto suo. <Item nec pater felonis, si forte filius primogenitus [030] fecerit feloniam in vita patris, si pater videns quod hereditas ad [031] heredes suos remotiores descendere non possit, sic49 fecerit donationem, [032] non valebit nisi hoc fuerit50 per modum donationis: ut si pater ita feoffatus [033] f.30] fuerit per cartam sibi et heredibus suis, vel cui dare voluerit et1 [034] assignare, quod quidem facere non poterit si donatio tantum facta fuerit [035] sibi et heredibus suis.> Et sicut videri poterit de uxore felonis dotem suam [036] petente, quia2 obstabit ei exceptio quod warantum de dote sua non habuerit.3 [037] Et in quo casu distinguendum erit utrum terra vel tenementum dimis-
Volume 2, Page 99
Next