Bracton: Thorne Edition: Latin. Volume 2, Page 95

Harvard Law School Library

Bracton Online -- Latin

Volume 2, Page 95

Next

Go to Volume: Page:

[001] tardis, sicut inferius dicetur. Nec ratione alicuius partis decedentis⁹ competit
[002] domino capitali seisina, quia si se poneret in seisinam, sic superstitibus
[003] faceret disseisinam cum nullam partem sciat, vel possit distinguere ab
[004] alia.¹⁰ Sed quid si unus moriatur relicto herede infra ætatem existente?
[005] Quæritur in cuius custodia remanebit, et quam partem habere debeat custos
[006] in custodia, cum nulla sit pars certa vel¹¹ determinata. Oportet igitur
[007] de¹² necessitate¹³ quod fiat partitio rei datæ, ut dominus capitalis certam
[008] partem habeat in custodia. <Et imaginaria poterit esse donatio facta
[009] minori sicut maiori, et colorata inter donatorem et curatorem, quod quidem
[010] perpendi poterit multotiens per subsequentia et per usum et per causas
[011] exteriores, ut si donator tenetur creditores defraudare donatarios vel
[012] emptores.>

Si pluribus bastardis simul de concubina.

[014] ITEM fieri poterit donatio pluribus bastardis sicut legitimis, ut si fiat¹⁴
[015] donatio pueris alicuius bastardi duobus vel pluribus, et¹⁵ quo casu dari
[016] possunt¹⁶ curatores ut supra, si fuerint infra ætatem. Et si unus illorum
[017] obierit sine herede de se, quæritur utrum reverti debeat¹⁷ pars decedentis¹⁸
[018] ad ipsum donatorem pro defectu heredis, cum deficiant heredes de corpore
[019] decedentis,¹⁹ nec poterit aliquis eorum alteri succedere de iure successionis,
[020] cum quilibet eorum alteri sit extraneus quoad successionem. Videtur quod
[021] ad donatorem reverti debeat facta partitione, nisi sit qui dicat quod pars
[022] decedentis²⁰ accrescere debeat superstitibus per ius accrescendi, cum non
[023] possit de iure successionis. Si autem facta fuerit donatio pluribus simul
[024] tam legitimis quam bastardis et eorum heredibus, et legitimus moriatur
[025] nulla facta partitione, relictis heredibus fiat partitio ut supra, quia bastardi
[026] habere poterunt²¹ heredes de corpore suo. Si autem nullos reliquerit,²² tunc
[027] f.28b] videtur quod locum habere debeat ius accrescendi, et eodem modo
[028] fiat de bastardo sicut superius²³ dictum est. Et sic videtur quod quamdiu
[029] unus eorum vel aliquis heredum superstes fuerit, quod nihil ad donatorem
[030] reverti debeat, nisi tunc demum cum omnes defecerint. Item fieri poterit
[031] donatio pluribus pueris tam nominatis quam non nominatis, et tam natis
[032] quam nascituris, et tam absentibus quam præsentibus, et ita quod si minores
[033] sint et eis tutor detur, ubicumque fuerint præsentes vel absentes, nati
[034] vel nascituri, adquiritur eis per tutorem qui nomine eorum fuerit in possessione,
[035] quia ipse²⁴ possidet²⁵ cuius nomine possidetur, et eis adquiritur
[036] absentibus per curatorem tamquam per procuratorem, sicut domino ab-

Notes

9. descendentis, MB, CM; desendentis, MG.

10. alio, MA, MG.

11. et, MG, CM, OC.

12-13. Om., MG, CM.

14. facta sit, MG, CM, OC.

15. in, OB, MA, MB.

16. possint, MB, MG.

17. poterit, LA, MC.

18. descendentis, MG, CM.

19. descendentis, MG, CM.

20. descendentis, OB, MG, CM.

21. poterint, V; possunt, MB.

22. Om., OB, MA, MB; reliquirit, OA; relinquerit, CM.

23. supra, MG, CM.

24-25. ipsi possident, OA, LA, OC, MG, MC.