Bracton: Thorne Edition: Latin. Volume 2, Page 92

Harvard Law School Library

Bracton Online -- Latin

Volume 2, Page 92

Next

Go to Volume: Page:

[001] bene valebit testamentum. Si autem donator sic donationem fecerit, pro se
[002] et heredibus suis tali, nulla facta mentione de heredibus donatarii, vel
[003] quod ad vitam suam, res sic data erit liberum tenementum quoad⁹ vixerit¹⁰
[004] donatarius,¹¹ quia taliter¹² dare perinde est ac si daret ad vitam. Si autem
[005] fiat donatio ad terminum annorum quamvis longissimum qui excedat vitas
[006] hominum, tamen ex hoc non habebit donatarius liberum tenementum, cum
[007] terminus annorum certus sit et determinatus et terminus vitæ incertus, et
[008] quia licet¹³ nihil certius sit morte, nihil tamen incertius est hora mortis.
[009] Poterit enim¹⁴ quis terram alicui concedere ad terminum annorum, et illam
[010] eandem infra terminum illum alteri dare vel eidem in feodo, et sic mutare
[011] unam possessionem in aliam si firmarium feoffaverit. Si autem alium,
[012] utraque possessio durabit, quia sese compatiuntur terminus et feoffamentum
[013] de eadem terra, quia ibi sunt diversa iura. Ad feoffatum¹⁵ vero pertinet
[014] proprietas feodi et liberum tenementum, firmarius vero nihil sibi vindicare
[015] poterit nisi usumfructum, scilicet quod libere uti posset¹⁶ et sine impedimento
[016] feoffati percipere fructum.¹⁷ Item dare poterit quis alicui terram
[017] ad voluntatem suam et quamdiu ei placuerit, de termino in terminum et¹⁸
[018] de anno in annum: et quo casu ille qui accipit nullum habet liberum tenementum,
[019] cum dominus proprietatis rem sic concessam repetere possit¹⁹
[020] sicut precarium. Item esto quod A. Primo²⁰ dimiserit ad terminum annorum,
[021] et postea durante termino feoffaverit inde B. et in possessionem
[022] induxerit, salvo firmario termino suo: et cum nihil sibi retinuerit idem A.
[023] nisi tantum nudum dominium, de facto feoffat ipsum firmarium, si idem
[024] B. post terminum completum se ponat in seisinam ratione primi feoffamenti,
[025] et firmarium eiecerit, non competit firmario restitutio per assisam,
[026] quia ipse²¹ A. non potuit ei facere liberum tenementum cum non haberet
[027] nisi nudum dominium. Sed hoc recognito per assisam tenebitur ipse A.
[028] secundo feoffato ad excambium in ipso iudicio sine alio brevi propter
[029] fraudem, cum ipse primo feoffatus cum²² semel se posuerit in seisinam
[030] per²³ secundo²⁴ feoffatum²⁵ fuerit eiectus,²⁶ et²⁷ per assisam recuperaverit.²⁸
[031] Et quod non valet²⁹ donatio ab eo facta qui³⁰ nihil habuit in dominico nisi
[032] nudum dominium, scilicet homagium et servitium, habetis³¹ de termino

Notes

9-10. quo advixerit, MSS. var.

11. donatarii, OA, LA, OC, MG, CM.

12. tali, MG, CM.

13. Om., MG, CM.

14. etiam, V, LA, OC, MG, CM, MC.

15. feoffamentum, OB, MA, MB, MG (a. f. non), CM, OC.

16. possit, V, LA, MG, Y, OC.

17. usumfructum, V, OB, MA, MB, Y; fructus, MG, CM, OC.

18. Om., OB, MA, MB, LA, MC.

19. poterit, LA, Y, OB, MC.

20. principio, MG, CM.

21. idem, OB, MA, MB, Y.

22. Om., V, LA, MB; tantum, OC.

23. pro, CE, MG, CM; per quod, OC.

24. secundum, V, OB, MB, MC.

26. reiectus, OA, CE, LA, MG, CM, MC.

27. Om., V, OB.

28. recuperabit, V, OB, MB; recuperavit, CE.

24-25. secundum feoffamentum, MA.

29. valeat, V, LA, OC, MG, CM, MC.

30. quia, V, MA, MB, CM.

31. ut habetis, V, OB, MB, CE, Y; et ut, MA.