Bracton: Thorne Edition: Latin. Volume 2, Page 90

Harvard Law School Library

Bracton Online -- Latin

Volume 2, Page 90

Next

Go to Volume: Page:

[001] rum tenementum, quia hoc facit ratione tenementi licet¹⁹ non ratione personæ.
[002] Utrumque tamen tenere poterit per certa servitia et expressa, ex
[003] conventione tamen, ad vitam vel in feodo, et quo casu conventio et consensus
[004] dominorum facit ei liberum tenementum quamvis opera fiant²⁰ servilia,
[005] tallagia et alia, cum sint certa et determinata. Merchetum vero pro filia
[006] dare non competit libero homini inter alia propter liberi sanguinis privilegium.
[007] Et unde in dominicis domini regis distinguendum erit²¹ inter liberos
[008] et villanos sokemannos qui in dominico regis²² nati sunt, et ab antiquo
[009] tenuerunt in villenagio, et puros villanos et illos²³ qui adventicii sunt²⁴
[010] et tenuerunt²⁵ per certa servitia et expressa ex conventione, quamvis ad
[011] similitudinem villanorum sokemannorum, et quorum non est similis condicio,
[012] quia in persona unius erit liberum tenementum et in persona alterius
[013] villenagium.

Si servus donationem facere possit.

[015] ITEM videndum²⁶ an servus dare possit. Et sciendum quod de iure dare
[016] f.26b] non potest tenementum quod in villenagium tenuerit vel in villano
[017] socagio, quod si de facto fecerit, incontinenti revocari poterit res data sine
[018] brevi, et non sine brevi ex post facto. Si autem villanus sub potestate constitutus
[019] vel extra, tenementum adquisitum antequam dominus manum apposuerit
[020] ad alium transtulerit, bene tenet donatio, nec revocari poterit, cum
[021] dominus per negligentiam suam actionem amiserit. Si autem villanus sokemannus
[022] villanum socagium ad alium transferre voluerit, prius illud²⁷ restituat
[023] domino, vel servienti si dominus præsens non fuerit, et de manibus ipsorum²⁸
[024] fiat translatio ad alium tenendi²⁹ libere vel in socagio, secundum quod
[025] domino placuerit, quia ille villanus sokemannus non habet potestatem
[026] transferendi cum liberum tenementum non habeat, sed dominus. Et³⁰ per
[027] quod videri poterit manifeste quod si talis sokemannus eiectus fuerit, quod
[028] ei³¹ non competit assisa, sed domino.

Si fiat donatio alicui ad terminum vitæ donatoris vel donatarii.

[030] FIERI etiam poterit donatio ad terminum vel ad tempus: ad terminum,
[031] vitæ vel annorum: vitæ,³² tam donatoris quam donatarii, vel alterius
[032] ipsorum tantum. Item ad tempus, id est quousque vel donec provisum
[033] fuerit donatario, et tunc refert utrum mentio fiat tantum de donatore³³
[034] sine heredibus vel de donatore et heredibus suis. Et sive sic vel
[035] sic, refert utrum provideri debeat tantum donatario vel donatario et

Notes

19. et, OB, MA, MB, Y, CM.

20. sint, MB; faciant, V; fac., OB.

21. est, OB, MA, MB.

22. domini regis, V, OB, MB, MG.

23. illi, MG, CM.

24. Om., OB, MA, MB.

25. tenuerint, V, OA, OC, CE.

26. videndum est, V, LA, MB, MC.

27. id, MG, CM.

28. eorum, OB, MA, MB.

29. tenenti, OA, LA, OC, MC (corr. tenendi); ten., MG, CM; tenendi, OB, MA, MB, CE, Y; tenendum, V.

30. Om., MG, CM.

31. Om., MG, CM.

32. Om., OB, MA, MB, Y, CE.

33. donatario, OB, MA, MB.