Bracton: Thorne Edition: Latin. Volume 2, Page 75

Harvard Law School Library

Bracton Online -- Latin

Volume 2, Page 75

Next

Go to Volume: Page:

[001] sive creditor præsens sit sive non. Sed quæro an creditor pecunia suo³⁶ die
[002] non soluta statim habeat liberum tenementum. Habet si fuerit in possessione:
[003] si autem extra, habet actionem ex conventione.

Si terra data fuerit bastardo per se vel in maritagium.

[005] QUONIAM terra data bastardo in maritagium sicut aliis vel bastardo per
[006] se, in se tacitam habet condicionem vel expressam de reversione, ideo
[007] videndum³⁷ si terra data fuerit in maritagium bastardo cum aliqua muliere,
[008] aut datur ipsis et eorum heredibus communibus, aut heredibus ipsius uxoris
[009] tantum, in quo casu revertitur ad donatorem, si defecerint heredes communes
[010] per modum tacitum donationis. Si autem sit³⁸ heredibus uxoris,
[011] tunc si heredes habuerit³⁹ de bastardo, remanebit terra eorum heredibus
[012] communibus, quia tales erunt heredes uxoris quamvis communes. Si autem
[013] communes⁴⁰ defecerint, tunc descendet⁴¹ terra sic data aliis heredibus ipsius
[014] uxoris⁴² de altero viro vel a latere venientibus. Item esto quod data fuerit
[015] terra illa alicui bastardo per se sine uxore, et tunc addatur, ei et heredibus
[016] suis tantum, vel ei et assignatis suis. Si ei et heredibus suis tantum, tunc
[017] deficientibus heredibus sive homagium intervenerit sive non, erit terra illa
[018] eschæta dominorum pro defectu heredum, et cum tali domino remanebit
[019] non obstante homagio, quia homagium evanescit heredibus deficientibus
[020] ubique. Si autem facta fuerit bastardo et heredibus suis vel assignatis, vel
[021] cui assignare voluerit, tunc si in vita sua⁴³ terram⁴⁴ assignaverit hora congrua
[022] et tempore competenti, ac si faceret donationem et eodem modo, valebit
[023] assignatio et donatio quamvis heredes de corpore suo defecerint, quod
[024] quidem facere non posset deficientibus de corpore suo heredibus procreatis,
[025] nisi hoc ei permissum esset per condicionem et⁴⁵ modum donationis. Et
[026] notandum quod in favorem bastardorum primo inventa fuit assignatio,
[027] unde quidem⁴⁶ sive facta⁴⁷ fuerit donatio bastardo et heredibus, vel bastardo
[028] et heredibus et⁴⁸ assignatis, si heredes non habuerit vel assignatos hora congrua
[029] non fecerit, terra sic data, non obstante homagio, revertetur⁴⁹ ad
[030] ipsum donatorem, et cum eo remanebit pro defectu heredum et assignatorum.

De dote uxoris bastardi.

[032] SED de dote mulieris quid fiet in hoc casu ex quo⁵⁰ warantum non habet de
[033] dote sua, cum nec⁵¹ appareat heres nec assignatus nec etiam legatarius, si
[034] forte legatum fuerit, sicut in burgagiis? Mulier in⁵² omnibus istis casibus
[035] dotem obtinebit quamvis waranti non existant, quia vir suus quamvis bas-

Notes

36. sua, MSS. var.

37. videtur, MG, CM.

38. fit, V, OB, MA; sint, MG, CM.

39. fuerint, MG, CM.

40. omnes, MG, CM.

41. descendit, V, OB, MB; descendat, MG, CM.

42. Om., OB, MB.

43. Om., OB, MB.

44. terram illam, V, OB, MB.

45. et per, V, OB.

46. quidam, MC, OA, LA, OC.

47. Om., OB, MB.

48. vel, OB, MA, MB, CE, Y.

49. revertitur, V, OB, MA, MB, Y.

50. qua, OA, LA.

51. non, MG, CM.

52. Om., OB, MB.