Bracton: Thorne Edition: Latin. Volume 2, Page 66

Harvard Law School Library

Bracton Online -- Latin

Volume 2, Page 66

Next

Go to Volume: Page:

[001] facere potest et non potest, secundum diversos tamen respectus. Respondeo:
[002] In neutro casu valet donatio quamdiu quis fuerit in prisona, vel quia
[003] hoc facit per coactionem, vel quia potestatem sui non habet. Et qui potestatem
[004] sui non habet nec eorum quæ sua esse deberent¹² potestatem habebit.
[005] Et generaliter qui ab aliis possidetur ipse nihil possidere poterit,¹³ et sicut
[006] ille qui in servitute fuerit nihil possidere poterit, quia possidetur, ita nec
[007] ille qui possidetur ab hostibus vel detentus fuit. Sed cum¹⁴ talis ita ab hostibus
[008] detentus naturalem receperit libertatem, hoc est cum suæ potestatis
[009] effectus fuerit, res ita gestas potest vel ratificare vel infirmare, et ita quod
[010] si postmodum res gestas approbaverit, vel statim donum non revocando
[011] vel homagium vel¹⁵ servitium recipiendo, valet.

Alia divisio donationum, quod alia simplex et pura, alia condicionalis vel sub modo.

[013] DONATIONUM alia divisio, scilicet¹⁶ quod alia
[014] simplex et pura, alia condicionalis,
[015] alia sub modo, uni facta vel pluribus vel pluribus successive. Item
[016] et alia quæ condicionalis est pluribus adiectis condicionibus. Item alia de
[017] re in maritagium data, alia de re data viris religiosis, alia de re data bastardis,
[018] alia de re data ad feodi firmam, alia de re data ad vitam quocumque
[019] modo, alia quæ idem est quod concessio et non donatio, sicut de re concessa
[020] ad terminum annorum. Simplex autem et pura dici poterit, ubi nulla
[021] adiecta est conditio neque modus, simpliciter enim dicitur dari quod nullo
[022] addito datur.¹⁷ Ut si dicatur, Do tali¹⁸ tantam terram in tali villa pro homagio
[023] et servitio suo, habendam et tenendam eidem tali et heredibus suis de
[024] me et heredibus meis, reddendo inde per¹⁹ annum²⁰ ipse et heredes sui mihi
[025] et heredibus meis tantum ad tales terminos, pro omni servitio et consuetudine
[026] et seculari demanda, ita quod certa sit res quæ datur, et certa servitia
[027] et consuetudines quæ domino debentur, licet incerta sint alia quæ
[028] tacite remittuntur. Et ego et heredes mei warantizabimus, adquietabimus,
[029] et defendemus prædictum talem et heredes suos versus omnes gentes per
[030] prædictum servitium. Et sic adquirit donatarius rerum dominia ex causa
[031] donationis, et heres²¹ eius post eum ex causa successionis, quia nihil adquirit
[032] ex donatione facta antecessori, quia cum donatario non est feoffatus. Et
[033] per hoc quod dicit, tali et heredibus suis, largo sumpto vocabulo heredum,
[034] continentur heredes omnes tam propinqui quam remoti, et tam præsentes
[035] quam futuri. Sed tamen unus eorum vel plures qui sunt quasi unus et
[036] f.17b] propinquiores remotioribus præferuntur, ut supra dictum²² est

Notes

12. debent, OB, MB, CM, V.

13. potest, MG, CM.

14. tamen, MSS. var.

15. et, OA, LA, OC, CM, MG, MC.

16. secundum, MG, CM.

17. dicitur, Y; dr., OA, LA, OC, CE, MA, MC, OB, HA; datur, MG, CM; (nullo additur, MB).

18. tibi, OB, MB, Y.

19-20. annuatim, V, OB, MB, CM.

21. heredes, V, MB, CM.

22. prædictum est, CE; infra dicetur, V.