Bracton: Thorne Edition: Latin. Volume 2, Page 59

Harvard Law School Library

Bracton Online -- Latin

Volume 2, Page 59

Next

Go to Volume: Page:

[001] regis respiciunt et ad aliquem transferri non poterunt,³⁰ nisi sicut³¹ iustitiariis
[002] domini regis,³² sicut visus franci plegii, placitum³³ de vetito namii,³⁴
[003] emendatio transgressionis assisarum, iudicium latronum, sicut³⁵ de illis qui
[004] habent soke et sake et huiusmodi quæ omnia pertinent ad pacem, et per
[005] consequens ad coronam. Item dici poterit quasi res sacræ, res data in
[006] liberam elemosinam. Est enim libera elemosina et magis libera, secundum
[007] quod inveniri poterit infra de assisis.

Quæ exigantur ad hoc quod valeat donatio.

[009] VIDENDUM³⁶ est etiam quæ exigantur³⁷ ad hoc quod valeat donatio cum
[010] f.14b] effectu, quia oportet quod sit mera et pura, libera et non coacta,
[011] nec per metum nec per vim extorta. Item quod pecunia vel servitium non
[012] interveniat, ne cadat in causam emptionis et venditionis, quia si pecunia
[013] intervenerit ibi erit emptio, si autem servitium, ibi erit servitii remuneratio.
[014] Ad hoc autem³⁸ quod valeat donatio, oportet donatorem esse plenæ ætatis,
[015] quia si minor donationem fecerit non valebit, quia in integrum restituetur,
[016] si voluerit, cum pervenerit ad ætatem. Item quod³⁹ suo nomine possideat et
[017] non alieno, alioquin si donaverit revocari poterit donatio. Item ad minus
[018] quod sit sanæ mentis et bonæ memoriæ, quamvis impotens sui et⁴⁰ in ægritudine
[019] et lecto mortali constitutus, quia in tali statu facta donatio valebit,
[020] si omnia concurrant quæ validam faciunt donationem. Non enim debet
[021] alicui rerum suarum administratio interdici vel dispositio cum infirmitate
[022] gravetur, dum tamen sit bonæ memoriæ, quia tunc primo necesse habet
[023] providere familiæ et domesticis suis et parentibus, et stipendia dare et
[024] testamenta ordinare, alioquin contingeret talem damnum sentire sine culpa.
[025] Sed quoniam aliquando fraudulenter fiunt cartæ et falso et⁴¹ finguntur
[026] donationes fieri, cum non fiant, ideo ad vertitatem declarandam erit ad
[027] patriam et visnetum recurrendum. Inquisitio enim multipliciter variatur
[028] secundum varietatem querelarum, et exempli causa fiat inquisitio per hæc
[029] verba.

Breve vicecomiti directum ad inquirendum in quo statu fuit donator quando fecit donationem.

[031] REX vicecomiti salutem. Præcipimus tibi quod assumptis tecum custodibus
[032] placitorum coronæ nostræ, et præterea duodecim legalibus et discretis militibus
[033] de comitatu tuo de tali visneto, in propria persona tua accedas ad
[034] talem locum et per eorum sacramentum diligenter inquiras si talis etcetera.
[035] Vel aliter: Præcipimus tibi quod coram te et coram custodibus placi-

Notes

30. possunt, HA, V.

31. sit, MA, MB; sint, CM, HA.

32. Om., OA, LA, (+ MC).

33. placita, HA, V.

34. namio, V; enim namii, MA; a namii, OA; om., LA.

35. et sicut, MG, CM.

36. dicendum, MG, V.

37. exiguntur, OB, MB, Y, V.

38. Om., MG, CM.

39. pro, MG, CM.

40. Om., OB, MB, MG.

41. Om., MG, CM, Y, V.