Bracton: Thorne Edition: Latin. Volume 2, Page 57

Harvard Law School Library

Bracton Online -- Latin

Volume 2, Page 57

Next

Go to Volume: Page:

[001] quam tenet in communi, sicut illam quam tenet separatim et per se. Item
[002] dare potest quis terram quam alius tenet ad terminum annorum, salvo
[003] tamen firmario termino suo, quia istæ duæ possessiones sese compatiuntur
[004] in una re, quod unus habeat liberum tenementum et alius terminum. Item
[005] donare potest quis cum effectu rem quæ sua propria est, et non revocabitur
[006] donatio. Alienam vero dare non poterit cum effectu, quia revocari poterit,
[007] sed valebit quoad suum feoffatum, ut suus feoffatus habeat excambium.
[008] <Et sciendum quod multipliciter, quandoque⁵⁹ scilicet in feodo, quandoque
[009] ad vitam, quando ad feodi firmam,⁶⁰ quandoque ad terminum vitæ
[010] vel annorum. Si autem ad vitam qualitercumque, statim habet donatarius
[011] liberum tenementum, et si fuerit eiectus recuperare poterit per assisam
[012] novæ disseisinæ. Et poterit ille cui sic datum⁶¹ fuerit terram illam⁶² alteri
[013] dare, vel in feodo vel ad vitam si voluerit, sed revocari poterit donatio.
[014] Sed si ille qui ad vitam tenuerit sic et⁶³ talibus verbis donationem fecerit de
[015] terra quam ad vitam tenuit alicui, Do et concedo tali quidquid iuris habeo
[016] in tali terra, licet⁶⁴ ille⁶⁵ qui dat habeat liberum tenementum, non tamen
[017] facit ei cui sic donatur liberum tenementum, quia sic dicendo, Do tibi ius
[018] meum, hoc est terram talem ad vitam meam, scilicet donatoris, non agitur
[019] ad vitam donatarii. Et ideo donator licet liberum haberet⁶⁶ tenementum
[020] donatario tamen⁶⁷ per hæc verba liberum tenementum facere non poterit,⁶⁸
[021] quia donator liberum tenementum cum haberet, illud quod ipse habuit per
[022] hæc verba donatario habere facere non poterit, quia si dixisset, Do tibi rem
[023] talem in dominicio vel in feodo, hoc non esset ius suum sed iniuria. Ius
[024] autem suum hoc fuit, dare id quod habuit, scilicet terram dare ad vitam
[025] suam, scilicet⁶⁹ donatoris et non ad vitam accipientis, quia hoc esset iniuriosum
[026] et non iustum, et ex hoc liberum tenementum habere non potuit. Et
[027] generaliter poterit res qualitercumque fuerit adquisita dari,⁷⁰ dum tamen
[028] tenens illam teneat nomine proprio, sive per disseisinam sive per intru-
[029] f.14] sionem vel alio modo, et facere¹ liberum tenementum² donatario
[030] quod ipse non habet, et statim quantum ad donatorem et donatarium, sed
[031] non quantum ad verum dominum.> Donari³ autem⁴ non poterit res quæ
[032] possideri non potest, sicut res sacra vel religiosa vel quasi, qualis est res
[033] fisci, vel⁵ quæ sunt quasi sacræ, sicut sunt muri et portæ civitatis. Huiusmodi
[034] vero res sacræ a nullo dari possunt nec possideri, quia in nullius bonis
[035] sunt, id est in bonis alicuius singularis personæ, sed tantum in bonis dei

Notes

59. fit donatio quandoque, HA, V.

60. firmam, etc., CM, MG.

61. donatum, CM; data, HA.

61-62. data fuit terra illa, V.

63. in, OC.

64-65. et, CM; sed, MG; etsi, V.

66. habuerit, V; habeat, HA.

67. Om., CM; non tamen, MG.

68. potuit, HA, V.

69. Om., MG, CM, HA.

70. Om., MG, CM.

1. facere poterit, CM.

2. tenementum esse, CM.

3-4. item donari, OB, MB, V.

5. Om., OB, MB.