Bracton: Thorne Edition: Latin. Volume 2, Page 49

Harvard Law School Library

Bracton Online -- Latin

Volume 2, Page 49

Next

Go to Volume: Page:

[001] f.11] domus domui et rus ruri subiungitur, et ita dicantur¹ servitutes
[002] urbanæ et rusticæ. Et quæ istæ sint et quis eas² constituat³ et cui et qualiter,
[003] et cum constituantur qualiter amittantur,⁴ inferius dicetur.

De rerum dominio adquirendo ex causa donationis inter vivos.

[005] QUONIAM inter alias causas adquisitionis magis celebris est et famosa causa
[006] donationis, ideo sibi vindicat secundum⁵ locum, quia per eam magis adquiritur
[007] et sæpius quam per aliam. Et unde imprimis videndum est quid sit
[008] donatio, et⁶ qualiter dividatur, quis donare possit, et quis non. Item quæ res
[009] donari possit et quæ non, et cui dari possit et cui non. Item quæ exigantur
[010] ad hoc quod valeat donatio. Item qualiter adquiratur possessio, et ab uno
[011] ad alium transferatur, et cum fuerit adquisita qualiter amittatur, et cum
[012] amissa fuerit qualiter restituatur.

Quid sit donatio.

[014] EST autem donatio quædam institutio quæ ex mera liberalitate nullo iure
[015] cogente procedit, ut rem transferat ad alium. Et est dare rem accipientis
[016] facere cum effectu, alioquin inutilis erit donatio quæ irritari poterit et
[017] revocari. Ut si fiat de re aliena, quia non videtur quis possessionem adeptus
[018] qui eam ita nactus est ut illam retinere non possit. Et tamen si res
[019] aliena donetur, erit donatio valida quoad dantem et quoad incipientem ab
[020] initio, licet invalida sit quantum ad verum dominum et illum qui ius habet,
[021] erga quem nullo tempore erit valida, nisi per confirmationem eius⁷ qui
[022] illam infirmare⁸ poterit, scilicet veri domini vel eius heredis, vel per eorum
[023] ratihabitionem, vel per cursum temporis, quod omnem excludit actionem.

Qualiter donatio dividatur.

[025] VIDENDUM⁹ qualiter donatio dividatur. Dividitur autem sic, quod donationum
[026] alia inter vivos, alia mortis causa, sicut ex causa testamentaria, de
[027] qua inferius dicetur. Item donationum alia simplex et pura, scilicet quæ
[028] nullo iure civili vel naturali cogente, nullo pretio,¹⁰ metu vel vi interveniente,
[029] ex mera et gratuita liberalitate donantis procedit, et ubi¹¹ in nullo
[030] casu velit donator ad se reverti quod¹² dedit, vel¹³ quod se¹⁴ daturum promisit,
[031] sive fiat donatio pure sive in diem, nisi fiat sub condicione vel sub modo.
[032] Item alia fit ob causam, ubi scilicet causa interponitur ut aliquid fiat vel
[033] non fiat, in quam speciem¹⁵ cadit donatio causa dotis vel causa¹⁶ mortis vel
[034] huiusmodi. Ut si quis ea mente dederit, ut tunc demum fiat accipientis cum

Notes

1. dicuntur, V, MG, CM, MC, HA, Azo.

2. ea, OB, MA (corr. eas).

3. constituit, MG, CM.

4. admittuntur, OB, MA; admittantur, MB; amittuntur, V, Y, MC.

5. Om., OB, MA, MB.

6. Om., LA, CM, MG, MC.

7. eius vel heredis, MG, CM.

8. firmare, OB; confirmare, MB, CM.

9. videndum erit, V; videndum est, CM.

10. prædicto, OA, LA, MC, CE, MA (corr. pretio); præcedente, OC.

11. nihil, MG, CM.

12. quam, MG, CM.

13-14. illo quod, OB, MB.

15. species, OB (quem), MB.

16. Om., OB, MB.