Bracton: Thorne Edition: Latin. Volume 2, Page 48

Harvard Law School Library

Bracton Online -- Latin

Volume 2, Page 48

Next

Go to Volume: Page:

[001] secundum quod inferius dicetur. Adquiritur etiam res corporalis per traditionem,
[002] quæ res corporalis traditionem patitur, quod non facit²⁶ res incorporalis,²⁷
[003] ut sunt iura. Et quid sit traditio et quæ sufficiant²⁸ pro traditione,
[004] dicetur infra plenius de donationibus.

Ista pertinent ad materiam supra de rerum divisione.

[006] EST etiam²⁹ alia divisio rerum, et de qua superius dicitur in parte, quod
[007] aliæ sunt corporales aliæ incorporales. Corporales sunt hæ quæ sui natura
[008] tangi possunt, qualia sunt fundus, homo, vestis, aurum, argentum³⁰ et aliæ
[009] res innumerabiles quæ omnes numerari non possunt propter earum multitudinem.
[010] Et ideo dicitur natura sui, licet res tangi non possit propter casum
[011] forte, quia res cecidit in profundum maris, vel propter difficultatem sicut
[012] stellæ cælo infixæ,³¹ et quæ res corporales sunt, licet³² tangi non possunt
[013] prædictis rationibus, tamen tangibilia sunt. Item corporales res³³ sunt
[014] fumus et ær. Est enim ær unum ex quatuor elementis ex quibus omnia
[015] corpora constant et creantur. Illud idem etiam³⁴ est³⁵ quod assumitur et
[016] remittitur a corpore, sicut flatus et anhelitus. Incorporales vero res sunt
[017] quæ tangi non possunt, qualia sunt ea quæ in iure consistunt, sicut hereditas,
[018] ususfructus, advocationes ecclesiarum, obligationes et³⁶ actiones et
[019] huiusmodi. Nec obstat quod in hereditate, usufructu³⁷ et huiusmodi corporales
[020] res contineantur, nam quod ex aliqua obligatione nobis debetur
[021] plerumque corporale est, veluti fundus, homo, pecunia et huiusmodi. Sed
[022] ipsum ius hereditatis, id est ipsum ius quod est hereditas, incorporale est.
[023] Et ita dicendum est de iure utendi fruendi et iure³⁸ advocationis et obligationis
[024] et etiam³⁹ de iure rusticorum prædiorum. Incorporales etiam res sunt
[025] licet in iure non consistant, sicut sunt genera et species, calodæmones et
[026] cacodæmones, anima mundi et animæ hominum.

De servitutibus.

[028] QUIA vero servitutes connumerantur inter alias res incorporales, videndum
[029] est hic⁴⁰ de servitutibus. Est enim quædam servitus qua homo fit⁴¹ servus
[030] hominis, sed de ea non tractatur hic, sed de illa⁴² qua subicitur prædium
[031] prædio. Fit tamen ad similitudinem eius qua homo sit servus hominis, ut
[032] sicut illa⁴³ constitutio dicitur ius⁴⁴ gentium qua quis dominio alieno contra
[033] naturam subicitur, et hoc idem dicatur⁴⁵ de servitute sive constitutione qua

Notes

26. sunt, MA; faciunt, V.

27. incorporales, MA, V.

28. sufficiunt, CM, MG.

29. autem, MA, MB.

30. et argentum, OB, OC, MG, CM, Y.

31. fixæ, OB, MB, CE, Y.

32. sed, MG, CM.

33. Om., OB, MB.

34. Om., MB, CE, HA.

35. Om., OB, MB.

36. Om., MA, MG, CM.

37. usufructus, OB, MC, MA, MB, CE, OC.

38. Om., MG, CM.

39. Om., MG, CM.

40. videndum hic, OA, MA, Y, MC.

41. sit, MA, HA.

42. illa, OB, OC, MA, MB, CE, HA, MC, OA (quæ); ista, MG, CM; ea, V, Y, Azo.

43. ista, V, OB, MG, CM.

44. iuris, Y, Azo.

45. Om., OA, OB, MA, MB, CE, Y, HA; dicitur, MC.