Bracton: Thorne Edition: Latin. Volume 2, Page 446

Harvard Law School Library

Bracton Online -- Latin

Volume 2, Page 446

Next

Go to Volume: Page:

Si lex vadietur ex utraque parte.

[002] ITEM si querens dicat quod iniuste cepit averia sua quia nullum damnum ei
[003] fecerunt, nec cum²⁸ obtulisset ei satisfacere de damnis²⁹ aliquod damnum ei
[004] f.158b] ostendit, oportet quod captor sectam producat sufficientem quod
[005] illa cepit in damno suo, et ideo iuste, vel pro servitio suo³⁰ recognito, et
[006] iniuste detento. Si autem ad servitium respondeat querens cum³¹ illud recognoverit
[007] quod averia iniuste capta sunt, quia totum fecit servitium ita
[008] quod ei nihil a retro est, si inde habeat sectam sufficientem quæ sufficiat³² ad
[009] probationem, iniusta erit captio, nec se defendere poterit captor³³ per
[010] legem.³⁴ Item dicere poterit captor quod iuste, quia quidam talis questus
[011] fuit de querente de tali iniuria, sicut de verberibus et sanguine effuso vel de
[012] tali debito sine brevi. Et unde talis summonitus fuit quod esset³⁵ ad certum
[013] diem inde responsurus, ad quem diem non venit nec se essoniavit, et unde
[014] per considerationem curiæ meæ districtus fuit quod esset ad alium diem. Et
[015] ad quem diem non venit, et ita quod alias per considerationem curiæ præceptum
[016] fuit quod averia primo³⁶ capta retinerentur, et caperentur plura.
[017] Et ita per iudicium iuste capta fuerunt, et non detenta iniuste contra vadium
[018] et plegios quia numquam petita. Vel sic: cum³⁷ primo post summonitionem
[019] capta essent averia pro defalta ipsius querentis, et petita per plegios
[020] ei deliberata essent per sic quod veniret ad alium diem rationabilem
[021] inde responsurus, et nisi veniret quod averia retornarentur.³⁸ Ad diem
[022] illum non venit, et retornata fuerunt averia per defaltam suam, et ita iuste
[023] capta. Ad quæ respondeat querens quod iniuste et tali ratione. Et sic iuste
[024] capi possunt averia vel iniuste assignata ratione: quia semper inquirendum
[025] erit qua occasione capta fuerint, et sive iuste vel³⁹ iniuste capta fuerint,⁴⁰
[026] tamen contra vadium et plegios denegari non debent, dum tamen ille cuius
[027] fuerint paratus sit facere quod de iure facere debebit. Et notandum quod
[028] iniusta captio emendari poterit per vicinos, iniusta autem detentio non, quia
[029] hoc est manifeste contra pacem domini regis et contra coronam suam.

Si serviens alicuius ceperit averia alicuius in absentia domini sui.

[031] SED quid si serviens alicuius ceperit averia alicuius tenentis domini sui, et
[032] ipse tenens conqueratur de serviente quod averia sua iniuste ceperit⁴¹ et
[033] contra vadium et plegios detinuerit, et serviens curiam domini sui vocaverit
[034] ad warantum, et curia ei warantizaverit de servitio quod non⁴² recognoscitur?
[035] Serviens liberabitur et curia de facto suo⁴³ respondebit. Sed numquid⁴⁴
[036] poterit curia sine domino respondere cum servitium tangat ipsum

Notes

28. tamen, MG, OC.

29. damno, MG, OC.

30. Om., OB, MA, MB.

31. quare, MG, OC.

32. sufficit, LA, Y, MC.

33-34. Om., MG, OC.

35. Om., MG, OC.

36. prius, LA, Y, MC.

37. quod, MG, OC.

38. retornerentur, OA, LA, MG, CM, OC.

39. sive, MA, CM, Y, V.

40. fuerunt, V, MA, OC, CM.

41. cepit, V, MA, MG, OC.

42. Om., MA, MG, OC.

43. Om., OB, MA, MB.

44. numquam, MG, OC.