Bracton: Thorne Edition: Latin. Volume 2, Page 445

Harvard Law School Library

Bracton Online -- Latin

Volume 2, Page 445

Next

Go to Volume: Page:

[001] donec satisfecerit domino de servitio quod cognoscit, propter seisinam,
[002] licet ius non habuerit. Et querens sibi perquirat per⁵ breve quod dominus
[003] non exigat ab eo servitia et consuetudines quæ facere non debet, eo quod
[004] illa de iure non debet. Et ideo si seisina ipsum⁶ gravat, liberabit ipsum⁷
[005] actio super iure. Dicere etiam poterit captor quod averia iuste cepit, quia
[006] cum habeat fundum suum liberum, ita quod nec ipse querens nec alius communam
[007] in eodem habere possit nec aliam servitutem, et cum idem querens
[008] immisisset averia sua cum ius non haberet immittendi, et pluries esset ei
[009] prohibitum ne immitteret, ipse nihilominus immisit contra prohibitionem:
[010] et ita cepit averia sua iuste, paratus⁸ ei illa restituere si vellet⁹ ab huiusmodi
[011] iniuria abstinere, quod quidem facere penitus recusavit, nec voluit averia
[012] sua tali modo recipere. Ad quod querens, quod iniuste,¹⁰ quia ipse communam
[013] ibi habere debet et semper habuit, et hoc paratus est docere, ubi et
[014] quando etcetera. Et ex quo noluit illa quiete¹¹ sine¹² plegiis¹³ dimittere, ideo
[015] noluit tali modo plegios invenire. Et quia comitatus non habet potestatem
[016] procedendi ulterius, remaneant averia deliberata. Et si querens uti voluerit
[017] cum ius non habeat, si dominus aliter se defendere non possit, habeat
[018] breve contra ipsum de nova disseisina de libero tenemento suo. Et si querens
[019] ius habeat utendi et dominus non permittat, habeat breve versus dominum
[020] de communa pasturæ suæ.

De responsione captoris, quod iuste quia in damno suo.

[022] DICERE etiam poterit captor quod iuste cepit averia sua, quia illa invenit¹⁴
[023] in damno suo, et secundum consuetudinem regni imparcavit illa¹⁵ donec
[024] damnum suum ei esset amendatum, et non alio modo. Et ipse querens noluit
[025] damnum emendare nec securitatem dare, vel nec umquam¹⁶ illa¹⁷ petiit per
[026] vadium neque per plegios, vel si petiit, oblata fuerunt ei tali modo ut prædictum
[027] est, et inde producat¹⁸ sectam. Et si querens hoc præcise negaverit,
[028] defendat se per legem, vel si dicat quod si¹⁹ prædicta occasione capta fuerunt²⁰
[029] et iuste, tamen detenta²¹ fuerunt²² iniuste contra vadium et plegios,
[030] quia ille querens venit ad ipsum captorem cum probis hominibus et coram
[031] eis paratus fuit emendare ei damnum suum²³ per visum eorundem, et ipse
[032] hoc recusavit, et nihilominus averia sua detinuit iniuste et²⁴ contra vadium
[033] et plegios. Et si non²⁵ habuerit bonam sectam et sufficientem, ille captor, si
[034] hoc præcise defenderit,²⁶ vadiet legem, et sic ex²⁷ utraque parte poterunt
[035] leges vadiari.

Notes

5. Om., V, MA.

6. illum, V, Y.

7. eum, MA, Y.

8. paratus est, OC, MG, Y.

9. velit, V, OC.

10. iuste, OB, MA, MB.

11. quiete et, LA, Y, MC.

12-13. Om., MG; sine placito, OC.

14. cepit, MC, Y, LA.

15. Om., MG, OC.

16-17. numquam illa, MA, MG; numquam ea, LA, MC, Y (umquam).

18. producit, MG, OC.

19. Om., MG, OC, CM, OB, MA, MB, Y (+).

20. fuerint, MG, OC.

21. retenta, LA, Y, MC.

22. Om., LA; fuerint, OC, MG, MC.

23. Om., OB, MA, MB.

24. Om., V, LA, MG, OC, CM, MC.

25. inde, V, LA.

26. defenderet, MG, OC.

27. Om., MG, OC.