Bracton: Thorne Edition: Latin. Volume 2, Page 442

Harvard Law School Library

Bracton Online -- Latin

Volume 2, Page 442

Next

Go to Volume: Page:

[001] quid¹ dedicere de recordo adversarii sui, nec de recordo illo aliquid augere
[002] vel diminuere ad damnum ipsius adversarii sui: quia si hoc, sic sequeretur
[003] inconveniens, quod quidquid boni adversarius suus diceret pro se amovere
[004] posset et in peius convertere. Sed de recordo suo proprio per comitatum recitato
[005] inde augere poterit vel² diminuere, sed totum dedicere non potest, nec
[006] ea quæ sunt de substantia negotii vel principalia cum captione adversarii.
[007] Verbi gratia: Sit qui petat quandam terram de seisina³ antecessorum suorum
[008] per verba duellum facientia,⁴ et nominaverit tempus regis Ricardi, et
[009] quod expletia ceperit⁵ ad valentiam viginti solidorum, hoc ad alium comitatum
[010] dedicere poterit et dicere⁶ quod petiit de seisina antecessorum suorum
[011] de tempore regis Iohannis, et ita mutare. Vel quod petiit de tempore
[012] regum Ricardi et Iohannis simul,⁷ et ita augere. Et quod expletia cepit⁸ ad
[013] valentiam quinque solidorum, et sic minuere. Et statim hoc probare debet
[014] per unum audientem et intellegentem qui incontinenti paratus sit hoc probare
[015] per corpus suum si curia considerat.⁹ Et sic poterit quis proprium
[016] recordum mutare, augere, et minuere, quia ex hoc nullum damnum habebit
[017] adversarius, quia non sunt¹⁰ multum de substantia negotii.

De officio vicecomitis.

[019] OFFICIUM vero vicecomitis est si quis conqueratur de iniusta
[020] captione¹¹ vel
[021] iniusta¹³ detentione contra vadium et plegios, quod cum breve domini regis
[022] susceperit,¹⁵ quod tale est: Rex vicecomiti salutem. Præcipimus tibi quod¹⁶
[023] sine dilatione replegiari¹⁷ facias tali¹⁸ averia sua quæ talis cepit et iniuste
[024] detinet ut dicit. Et postea eum inde iuste deduci facias, ne amplius inde
[025] clamorem audiamus pro defectu iustitiæ. Teste etcetera. Vel etiam ad
[026] querelam alicuius sine brevi, accepta prius ab eo securitate de prosequendo.
[027] In propria persona sua si ad hoc intendere possit, accedat ad locum ubi
[028] averia detenta sunt, ut dicitur, vel si ipse non possit, mittat servientem
[029] suum, et statim cum venerit petat visum de averiis illis ubicumque inclusa
[030] fuerint. Et si sit aliquis contradictor quod inde visum habere non possit,
[031] vel propter hoc in eum manus violentas iniecerit, statim levet¹⁹ huthesium
[032] et clamorem, et cum huthesio et clamore capiat delinquentes, sicut illos qui
[033] sunt manifeste contra pacem domini regis, et in gaolam proiciat quousque
[034] dominus rex præceperit²⁰ inde voluntatem suam, et averia capta deliberet
[035] si inveniantur. Si autem inveniri non possint,²¹ eo quod alibi fugata sunt

Notes

1. Om., MG, OC.

2. et, LA, MC.

3. disseisina, LA, Y, MC.

4. facienda, MG, OC.

5. cepit, V, OB, MA, MB, CM, OC.

6. diem, MG, OC.

7. Om., MG, CM, OC.

8. ceperit, CE, Y.

9. consideraverit, V, OA, MG; sic, OB, MB, CM, Y; consid., MA, MC, CE, OC, LA.

10. est, LA, Y, MC.

11-13. Om., OB, MA, MB, Y (+ captione).

15. supervenerit et receperit, V.

16. quod iuste et, LA, Y, MC.

17. replegiare, V, OC.

18. A., MA; om., OB, MB.

19. levetur, LA, Y.

20. præceperat, OB, MA, CM.

21. possunt, V, MG, OC, OB.