Bracton: Thorne Edition: Latin. Volume 2, Page 44

Harvard Law School Library

Bracton Online -- Latin

Volume 2, Page 44

Next

Go to Volume: Page:

[001] dominio tuo subiectis nata sunt, tibi²² adquiruntur. Item quod per alluvionem
[002] agro tuo flumen adiecit, iure gentium tibi adquiritur. Est autem
[003] alluvio latens incrementum, et per alluvionem adici dicitur quod ita paulatim
[004] adicitur, quod intellegere non possis quoquo²³ momento temporis adiciatur.
[005] Nam et si tota die figas intuitum, imbecillitas visus tam²⁴ subtilia incrementa
[006] perpendere non potest, ut videri poterit in cucurbita et²⁵ similibus.
[007] Si autem non sit latens incrementum, immo apparens, contrarium erit. Ut
[008] ecce vis²⁶ fluminis partem aliquam ex tuo prædio detraxit et vicini prædio
[009] appulit, certum est eam tuam permanere. Et si longiori tempore fundo
[010] vicini adhæserit,²⁷ et arbores quas secum traxerit in eum fundum radices
[011] egerint, ex eo tempore videntur fundo vicini adquisitæ. Dabitur tamen
[012] priori domino utilis vindicatio secundum quosdam, sed cessat rei vindicatio,
[013] quia alterius facta est crusta,²⁸ et alia dicenda est arbor, alio terræ
[014] alimento. Habet etiam locum eadem species accessionis in insula nata in
[015] flumine, quæ si quidem mediam partem fluminis teneat, communis est
[016] eorum pro diviso²⁹ qui³⁰ ab utraque parte fluminis prope ripam prædia
[017] possident pro modo latitudinis cuiuscumque³¹ fundi,³² quæ latitudo prope
[018] ripam sit.³³ Quod si alteri parti proximior sit, eorum est tantum qui ab ea
[019] f.9b] parte prope ripam prædia possident. Si autem insula in mari nata
[020] sit, quod raro accidit, occupantis fit. Non tamen credas proprium alicuius
[021] agrum in formam insulæ³⁴ redactum insulam esse, ut ecce flumen dividitur
[022] in superiori et circuit agrum alicuius, et deinde infra³⁵ unitur,³⁶ quo casu
[023] eiusdem³⁷ erit ager cuius prius fuerat. Cavendum quoque erit in metienda
[024] vicinitate insularum, quia potest quis in hoc de³⁸ facili decipi. Ponatur
[025] igitur punctus quidam³⁹ in medio inter utrumque agrum, et secundum hoc
[026] si insula citra punctum sit, vel huius⁴⁰ tantum⁴¹ vel illius tantum erit. Si
[027] autem sit et citra punctum et in ipso puncto et ultra, tunc pro diviso⁴² communis
[028] erit, ut tantum mihi⁴³ de ipsa insula cedat quantum continetur a
[029] medietate puncti usque ad agrum meum, et sic fiat in persona vicini quoad
[030] divisionem. Et videtur quod vicinitas et remotio insulæ considerari debet
[031] secundum principium nativitatis suæ.⁴⁴ Et inde erit quod si inter insulam
[032] quæ mihi proximior est et contrariam ripam vicini, quæ est ultra flumen,
[033] alia sit nata insula, mensura fiet a mea insula et non ab agro meo. Et hæc

Notes

22. ibi, OA, LA, CE, MB, MA.

23. quo, OC, MG, CM.

24. tamen, OB, MA.

25. et in, OC, MA.

26. ius, MB, MA (corr. vis).

27. adhæsit, MG, CM.

28. quod cura, MG; cuius terra, CM.

29. indiviso, V, MG, CM.

30. quæ, OB, MB.

31. cuiusque, MG, CM.

32. Om., OB, MB.

33. fit, MG, CM.

34. infusæ, MG, CM.

35-36. infunditur, OB; mutatur, MB.

37. eius, V; idem, CM.

38. Om., OC, MG, CM; casu de, CE.

39. Om., OB, MA, MB, CE.

40. huiusmodi, OB, OC, MB, MG, CM, HA, MC.

41. Om., OB, MB.

42. indiviso, V, CE, HA.

43. mihi, V, OC, MD, CM, HA, MG, Azo; inde, OA, OB, MA, MB, CE; nisi, MC.

44. Om., MG, CM.