Bracton: Thorne Edition: Latin. Volume 2, Page 439

Harvard Law School Library

Bracton Online -- Latin

Volume 2, Page 439

Next

Go to Volume: Page:

Quod atrox iniuria æstimatur multis modis.

[002] EST³² quidem iniuria levis et est³³ atrox. Atrocitas vero æstimatur ex ipso
[003] facto, ut si quis fuerit male vulneratus, verberatus et male tractatus contra
[004] pacem. Item ex loco, si in curia regis³⁴ vel dominorum, si coram iustitiariis
[005] vel in comitatu coram vicecomite. Item si in theatro, in nundinis, vel in
[006] foro, vel alibi coram omni populo. Item locus vulneris, ut³⁵ si in fronte vel
[007] in oculo magis quam in loco secreto. Item ex persona æstimatur iniuria, ut
[008] si magistratibus, ballivis fiat, parentibus vel patronis. Item non solum tenetur
[009] actione iniuriarum qui fecit iniuriam, hoc est qui percussit, sed ille qui
[010] dolo fecit vel³⁶curavit, ut cui mala pugno³⁷ percuteretur.

Quod iniuria per dissimulationem aboletur.

[012] HÆC³⁸ autem³⁹ actio per dissimulationem aboletur. Et ideo si quis iniuriam
[013] passus hoc statim ad animum non revocaverit, postea ex pænitentia remissam
[014] iniuriam per dissimulationem ad animum recolligere non poterit.

De vetito namii.

[016] DETENTIO namii pro districtione facienda pertinet ad coronam domini
[017] regis, et vix alicui conceditur terminandum præterquam ipsi domino regi
[018] vel iustitiariis suis. Sed quia placitum istud⁴⁰ dilationem non capit, propter
[019] animalia muta et propter damnum quod evenire posset si diu detinerentur⁴¹
[020] inclusa, donec placitum de vetito namii terminaretur, ideo⁴² placitum de
[021] vetito namii vicecomiti conceditur terminandum, hac necessitate, quod quidem
[022] non habet ex officio vicecomitis, sed sicut iustitiarius ipsius domini
[023] regis. <Et eodem modo non erit aliquis qui huiusmodi libertatem clamare
[024] possit ut⁴³ de iure sibi ipsi competente, nisi ut iustitiarius domini regis, et de
[025] f.156] speciali concessione regis, et nisi hoc habeat, tueri non poterit aliquo
[026] tempore longo. Item cum quis talem habeat libertatem, refert utrum
[027] averia deliberata fuerint per breve domini regis ad querelam factam regi,
[028] vel sine brevi regis¹ ad querelam factam immediate vicecomiti, ad hoc quod
[029] quis habeat curiam suam de huiusmodi placito si curiam petat, cum in iustitia
[030] facienda negligens non extiterit.> Omnia vero quæ contingere possunt
[031] circa huiusmodi placitum consistunt et² versantur circa duo, videlicet circa
[032] captionem et detentionem contra vadium et plegios. Et est omnis captio
[033] iusta vel iniusta. Si autem iusta sit captio, videlicet pro servitio detento ab
[034] aliquo qui servitium illud cognoscit, tunc poterit ille qui capit cognoscere

Notes

32. est etiam, OC, MG.

33. Om., OB, MA, MB.

34. domini reg., V, OC.

35. Om., OC, MG.

37. pro pugno, LA, OC, MG; om., MA, MB, OB.

36-37. vel qui dolo procuravit ut alicui maxilla pugno, V.

38-39. est autem, MB; hæc, CE; hæc est, MG, OC.

40. illud, MSS. var.

41. tenerentur, OB, MA, MB, CE, CM.

42. et ideo, OB, MA, MB.

43. non, MG, OC.

1. Om., OA, LA.

2. ut, OB, MA; nisi, MB.