Bracton: Thorne Edition: Latin. Volume 2, Page 437

Harvard Law School Library

Bracton Online -- Latin

Volume 2, Page 437

Next

Go to Volume: Page:

[001] personam domini³⁶ regis et coronam suam. Et ideo coronatores querelam
[002] illam sive appellam irrotulare debent, annum et diem et locum, et omnia
[003] verba appelli per ordinem, et omnes circumstantias ut supra de appellis,
[004] usque ad³⁷ adventum iustitiariorum. Sed si tantum agatur de pace vicecomitis,
[005] non erit ibi amissio vitæ vel membrorum, sed sequitur pœna pecuniaria
[006] de convictis. Potest³⁸ quidem vicecomes facere placita non ex officio
[007] vicecomitis, sed vice ipsius regis ex³⁹ causa necessaria, non sicut vicecomes
[008] sed sicut iustitiarius regis,⁴⁰ si hoc⁴¹ specialiter ei demandetur quod iuratam
[009] capiat et faciat inquisitiones, extensiones et partitiones, licet in quibusdam
[010] iudicium reddere non possit. Item habet ex speciali mandato regis,⁴² non ex
[011] officio vicecomitis, ubi mandatum habet quod iustitiet aliquem, et⁴³ quo
[012] casu videtur quod omnia habere debet ut iustitiarius, sine quibus placitum
[013] illud terminari⁴⁴ non possit. Habet etiam ut iustitiarius, et non ex officio
[014] vicecomitis, quod cognoscere potest de⁴⁵ averiis captis et detentis⁴⁶ contra
[015] f.155] vadium et plegios, quod quidem placitum pertinet ad coronam, et¹
[016] quod ei ex necessitate conceditur ad² terminandum ratione inferius dicenda.
[017] Item pertinet ad ipsum cognoscere de³assisis⁴ in regno constitutis⁵ et iuratis
[018] per regnum, si fuerint servatæ vel non, sicut panis et cervisiæ et falsis
[019] mensuris quæ pertinent ad coronam, et⁶ de quibus attachiamenta facere⁷
[020] poterit simul cum coronatoribus usque ad adventum iustitiariorum. Item
[021] pertinet ad vicecomitem visus franci plegii in turnis suis duobus singulis
[022] annis per hundreda et⁸ wapentakia faciendis. Et ideo qualiter fieri debent⁹
[023] turni videndum erit.¹⁰

De minoribus et levioribus criminibus quæ civiliter intentantur.

[025] DICTUM est supra de maioribus criminibus et¹¹ appellis quæ criminaliter
[026] intentantur, et aliquando ultimum inducunt supplicium, aliquando¹² membrorum
[027] truncationem, aliquando exilium perpetuum vel ad tempus. Nunc
[028] autem dicendum est¹³ de minoribus et levioribus criminibus quæ civiliter
[029] intentantur, sicut de actionibus iniuriarum personalibus, et quæ pertinent
[030] ad coronam, eo quod aliquando fiunt contra pacem domini regis. Videndum
[031] igitur quid sit iniuria. Et sciendum quod iniuria est quidquid non iure fit.
[032] Et unde supra in parte dicitur quod si quis interfectus fuerit, videndum
[033] erit an iniuria sit interfectus vel sit talis qui¹⁴ nullo iure occidi-

Notes

36. ipsius dom., V, LA, OC, MC.

37. Om., OB, MA, MB, Y.

38. poterit, MG, OC.

39-40. Om., OB, MA, MB.

41. Om., LA, Y.

42. Om., CE; domini regis, MG, OC.

43. in, OB, MA, MB.

44. terminare, OC, MG.

45-46. Om., LA, Y (+).

1. Om., OB, MA, MB.

2. sic, V, Y; om., MSS. gen.

5. statutis, V, LA, Y, MC, OC, MG.

3-4. Om., LA, Y (+).

6-7. de quibus facere, OB, MA, MB.

8. Om., V, MSS. gen.

9. debeant, CE, CM.

10. Om., OC, MG.

11. Om., OA, MG, OB, MA, MB, CE, CM.

12. et aliquando, OB, MA, MB.

13. Om., OA, LA, Y, CE, CM.

14. quod, LA, OC.