Bracton: Thorne Edition: Latin. Volume 2, Page 436

Harvard Law School Library

Bracton Online -- Latin

Volume 2, Page 436

Next

Go to Volume: Page:

[001] hominis, vel pro²² foresta nostra, vel pro aliquo alio recto quare secundum
[002] legem Angliæ non sit replegiandus. Ne amplius etcetera, pro defectu iustitiæ
[003] etcetera. Teste etcetera.

Quod nemo potest curiam suam habere de probatore vel latrone cognoscente. Et quæ placita pertinent ad curiam et quæ ad comitatum, et de libertatibus singulorum.

[005] f.154b] DICTUM est supra²³ quod nemo potest habere curiam suam de probatore
[006] et latrone cognoscente. Videamus igitur quæ placita pertineant ad
[007] curiam et quæ ad comitatum. Sunt quidam barones et alii qui libertates habent,
[008] scilicet sok, sak, tol et theam, infangenethef, utfangenethef.²⁴ Isti possunt
[009] iudicare in curia sua si quis inventus fuerit infra libertatem suam seisitus
[010] de aliquo latrocinio manifesto, sicut hondhabbende et bacberende, et
[011] insecutus fuerit per saccabor: quia nisi fuerit in seisina, licet aliquis sequatur
[012] versus eum sicut versus latronem, non pertinebit ad curiam, hundreda, vel²⁵
[013] wapentakia cognoscere de huiusmodi furtis, nec inde facere inquisitionem
[014] per patriam utrum talis qui non fuerit seisitus culpabilis sit vel non.
[015] Nec quod vadietur inter aliquos duellum sine seisina. De hoc quod dicit
[016] infangenethef, videndum quid sit. Et dicitur infangenethef latro captus
[017] in terra alicuius de hominibus suis propriis seisitus de²⁶ latrocinio. Utfangenethef
[018] vero dicitur latro extraneus veniens aliunde de²⁷ terra aliena, et
[019] qui captus fuerit in terra ipsius qui tales habet libertates. Sed non sequitur
[020] quod ille possit hominem suum proprium captum extra libertatem suam
[021] reducere²⁸usque infra libertatem suam,²⁹ et ibi eum iudicare ex tali libertate.
[022] Debet enim quis³⁰ iuri subiacere ubi delinquit. Proprios enim latrones
[023] et alienos infra libertatem suam captos iudicare possunt. Item cognoscere
[024] possunt de medletis et hominibus verberatis, vulneratis, ubi felonia et pax
[025] regis³¹ vel vicecomitis non apponitur. Poterit tamen apponi pax domini
[026] regis³² et ballivorum. Item de equis,³³ bobus, et aliis animalibus vulneratis et
[027] mahemiatis. Talis quidem transgressio emendari poterit per vicinos. Item
[028] cognoscere potest³⁴ de debitis quæ exiguntur sine brevi domini regis, et
[029] etiam de aliis querelis sine brevi.

Ad vicecomites pertinent huiusmodi placita.

[031] AD vicecomites vero pertinent huiusmodi placita in comitatu. Cognoscere
[032] quidem potest de medletis, plagis, verberibus, et consimilibus pro defectu
[033] dominorum, nisi querens adiciat de pace domini regis infracta vel feloniam
[034] apponat, extunc enim³⁵ vicecomes non debet intromittere, cum hoc tangat

Notes

22. Om., V, OB.

23. Om., OB, MA, MB.

24. Om., OB, MA, MB, CE, CM.

25. Om., OC, MG.

26. Om., V, OA, LA, OC, MG, Y, MC.

27. in, MA, MB, OB.

28. reducere eum, OA, OC, MG, CM, MB, MA (--red.), MC.

28-29. Om., OB.

30. Om., MB; quisquis, OB, MA.

31. domini regis, OB, MA, MB.

32. Om., MG, OC, Y, LA.

33. equis et, OB, MA, MB.

34. possunt, V; poterit, CM, MB.

35. enim se, V; se, LA, Y, MC; (vic. se non, OC).