Bracton: Thorne Edition: Latin. Volume 2, Page 428

Harvard Law School Library

Bracton Online -- Latin

Volume 2, Page 428

Next

Go to Volume: Page:

[001] victus fuerit, aut morti tradatur aut regnum abiuret vel patriam, comitatum,
[002] civitatem, burgum vel villam, aut fustigetur, et sic castigatus dimittatur.

Si furtum in manu alicuius inveniatur.

[004] SI vero³⁷ furtum in manu³⁸ vel sub potestate alicuius inveniatur,³⁹ tunc ille
[005] in cuius domo vel potestate res furtiva inventa fuerit, tenebitur, nisi
[006] warantum invenerit qui eum inde defendere possit.⁴⁰

Si uxor teneatur ex furto viri.

[008] UXOR vero sibi⁴¹ desponsata non tenebitur, quia virum accusare non debet
[009] nec detegere furtum suum neque feloniam, cum ipsa sui potestatem non
[010] habeat,⁴² sed vir. Consentire tamen non debet feloniæ viri sui neque coadiutrix
[011] esse, sed feloniam et nequitiam viri impedire debet quantum potest.
[012] In⁴³ certis tamen casibus de furto tenebitur si furtum inveniatur sub clavibus
[013] uxoris. Has⁴⁴ quidem claves habere debet uxor sub custodia⁴⁵ et cura
[014] sua,⁴⁶ claves videlicet⁴⁷ dispensæ suæ, arcæ suæ,⁴⁸ et scrinii⁴⁹ sui. Et si aliquod
[015] furtum sub clavibus istis inveniatur, uxor cum viro culpabilis erit.
[016] Sed quid si res furtiva in manu uxoris inveniatur? Numquid tenebitur vir?
[017] Non, ut videtur, nisi ei expresse consenserit, vel cum rem ei warantizaverit,
[018] cum ipsum vocaverit ad warantum, et consensisse præsumitur nisi expresse
[019] dissentiat, vel nisi de eo præsumatur quod fidelis sit, eo quod societatem
[020] talis uxoris devitavt in quantum potuit.

Item si cum viro convicta fuerit.

[022] ITEM quid erit si uxor cum viro convicta⁵⁰ fuerit vel confessa quod viro suo
[023] consilium præstiterit et auxilium? Numquid tenebuntur ambo? Immo, ut
[024] videtur, quia⁵¹ vir potest teneri per se cum sit malus, et uxor poterit esse
[025] bona et fidelis et liberari. Item uxor mala per se et vir fidelis. Cum ergo
[026] uterque possit⁵² esse malus per se et alter eorum bonus, ita poterit uterque
[027] illorum⁵³ simul et coniunctim esse malus sicut bonus.⁵⁴ Non igitur erit in
[028] omni casu uxor deliberanda propter consilium, auxilium et consensum,
[029] desicut sunt participes in crimine, ita participes erunt in pœna. Et si obedire
[030] debeat viro, in atrocioribus⁵⁵ tamen non erit ei obediendum. Poterit
[031] quidem vir ligare et tenere, et uxor sponte et non coacta occidere, et ita ut
[032] videtur tenetur de maleficio uterque. De concubina vero vel⁵⁶ famula⁵⁷

Notes

37. Om., OB, MA, MB, CE, CM.

38-39. manu alicuius inv. vel sub pot. alicuius, OB, MA, MB, CE, CM, MC.

40. poterit, MG, OC.

41. furi, V.

42. habet, MA; habuerit, OA.

43. item, MA, MB.

44. quas, V, OB, MA, MB, CM.

45-46. custodia sua et cura, OB, MB, CE, CM.

46. Om., MA.

47. Om., MA; scilicet, OB, MB, CE, CM, Y.

48. sui, OA; om., MG, OC.

49. scrutinii, MG, OC.

50. coniuncta, V, OC (c. sit); (-- convicta . . . viro, MG).

51. quod, MG, OC.

52. poterit, LA, Y, MC.

53. eorum, V, Y, MC; eorum illorum, OB; ipsorum, OA, LA, MG, OC.

54. bonus solutio, V; bon. s., LA, OA; bon. sed, MG; bon. si, OC.

55. latrocinibus, OC, MG.

56. et, OB, MA, MB, CE, CM.

57. familia, OB, MA, MB, MG, Y.