Bracton: Thorne Edition: Latin. Volume 2, Page 420

Harvard Law School Library

Bracton Online -- Latin

Volume 2, Page 420

Next

Go to Volume: Page:

[001] eodem loco, eodem die, eodem anno etcetera, venit idem E. cum prædicto
[002] C. et nequiter et in felonia tenuit ipsum B. virum suum dum idem C. illum⁹⁸
[003] occidit inter brachia sua. Et quod hoc fecit nequiter et in felonia etcetera,
[004] offert etcetera.⁹⁹ Et sic eodem modo versus plures et de pluribus factis. Et
[005] si ille de facto captus fuerit super factum cum cultello cruentato, non erit
[006] ulterius inquirendum, dum tamen de hoc constiterit per testimonium proborum
[007] virorum. Sed quid magis operatur appellum mulieris, licet secta
[008] bene facta fuerit, quam secta regis si appellum ceciderit vel suspicio oriatur
[009] per indictamentum, cum in utroque casu recurratur ad patriam? Videtur
[010] quod idem sit quoad utrumque, nisi tantum in hoc quod secta regis quandoque
[011] remittitur de gratia, vel cum causa cognitione quod quidem non fieret
[012] si mulier bene sequeretur.

De appellatis attachiandis.

[014] f.149] CONTINGIT quandoque quod appellati de morte hominis, plaga,¹
[015] roberia, vel alia felonia per negligentiam vicecomitis et coronatorum attachiandi
[016] non sunt. Et ideo ad querelam appellantium fiat breve domini
[017] regis de attachiando eos quod sint coram iustitiariis, in hac forma.

Breve de attachiando.

[019] REX vicecomiti salutem. Si A. fecerit te securum de clamore suo prosequendo,
[020] tunc attachiari facias B. per corpus suum quod sit coram iustitiariis
[021] nostris ad primam assisam cum in partes illas venerint, responsurus
[022] eidem A. de morte C. patris vel matris, fratris vel sororis, vel alterius parentis,
[023] vel domini sui, unde eum appellat. Et habeas ibi hoc breve. Teste etcetera.
[024] Si vero de pace regis infracta, sicut de pace et plagis, pace et mahemio,
[025] pace et roberia, pace et raptu virginum,² et huiusmodi, tunc fiat breve
[026] in hac forma.

Aliud breve ad idem de eodem.

[028] REX vicecomiti salutem. Si A. fecerit te securum etcetera, tunc pone per
[029] vadium et salvos plegios B. quod sit coram iustitiariis nostris ad primam
[030] assisam etcetera, responsurus eidem A. de pace nostra infracta,³ unde eum
[031] appellat. Et habeas ibi nomina plegiorum et hoc breve. Teste etcetera. Si
[032] autem placuerit domino regi quod huiusmodi appella⁴ quæ attachiata fuerunt⁵
[033] in comitatu usque ad⁶ adventum iustitiariorum, de morte hominis vel
[034] de pace domini regis infracta, veniant coram se ipso vel iustitiariis suis de
[035] banco, tunc fiat breve in hac forma de summonendo appello.⁷

Notes

98. illum B., V; (talis) eum, MC, OC; ipsum, CE, CM, MB, OB.

99. etc. ut supra, LA, Y, MC.

1. plaga vel, OB, MA, MB, CE, CM.

2. virginis, MC, Y, LA.

3. infracta et, OB, MA, MB, CE, CM.

4. Om., OB, MA, MB.

5. fuerint, MSS. var.

6. Om., OB, MA, LA, MC; in, OC.

7. appellato, OB, MA, MB, CE, CM; appellum, V; appellatum, OC.