Bracton: Thorne Edition: Latin. Volume 2, Page 393

Harvard Law School Library

Bracton Online -- Latin

Volume 2, Page 393

Next

Go to Volume: Page:

[001] ordine appellantium, et ipse excipiat contra ipsum, et petat sibi allocationes
[002] fieri. Et quo³² casu³³ si appellatus appellum declinaverit versus A.
[003] primum appellantem, propter hoc non cadunt appella aliorum, sed eodem
[004] die respondeat secundo appellanti, et si eodem modo appellum ipsius declinaverit,
[005] respondeat tertio eodem die, et sic fiat de pluribus. Et³⁴ quamdiu
[006] aliquis remanserit principaliter appellans, non erit recurrendum ad³⁵
[007] sectam domini regis nisi³⁶ tunc demum cum omnes appellantes defecerint in
[008] appello suo.

Si unus plures appellaverit de diversis plagis mortalibus.

[010] SI autem unus plures appellaverit de diversis plagis mortalibus et diversis
[011] factis in forma supradicta,³⁷ et primus appellatus appellum declinaverit,
[012] recedet ille quietus per iudicium, et similiter appellati de forcia et præcepto
[013] de eodem facto quantum ad appellum talis,³⁸ non tamen quantum ad sectam
[014] regis si rex sequi voluerit. Si autem appellans appellatum devicerit per
[015] duellum vel per patriam, et adhuc tenet appellum versus alios principaliter
[016] appellatos de aliis et diversis plagis, et etiam versus appellatos de forcia et
[017] præcepto de prima plaga et primo facto, quos quidem omnes convincere
[018] oportebit antequam regressum habeat appellans versus alios principaliter
[019] appellatos de facto de aliis et diversis plagis. Et omnibus istis ita convictis,
[020] per ordinem procedatur versus alios quousque omnes se defenderint vel
[021] convincantur, et sic erunt plura et diversa appella propter diversa facta.

Appellatus det vadium defendendi et appellans det vadium disrationandi.

[023] CUM autem appellatus fuerit quis per verba appellum facientia, defensor
[024] sive appellatus det vadium defendendi et appellator vadium disrationandi,
[025] nisi appellatus exceptiones habeat pro se quas proponat ad defensionem
[026] suam antequam intret in responsum.

Sunt quædam exceptiones quæ generales sunt ad omnia appella et quædam speciales et diversæ, secundum diversitatem placitorum et appellorum.

[028] SUNT quædam³⁹ exceptiones quæ generales sunt ad omnia appella, et sunt
[029] speciales et diversæ secundum diversitatem appellorum, sicut de morte
[030] hominis, de pace et plagis. Item de pace et plagis et mahemio vel⁴⁰ roberia.
[031] Item de pace et plagis et imprisonamento. Item de roberia per se. Item de
[032] combustione per feloniam contra pacem. Item de raptu virginum contra
[033] pacem. Et contra quodlibet istorum appellorum speciales sunt exceptiones
[034] in suo casu.

Notes

32-33. qua causa, MG, CM.

34. Om., LA, Y, MC.

35. non ad, OB, MB, MA (nec).

36. Om., LA, Y.

37. prædicta, MG, CM.

38. tale, V, MG, CM, OC; tal., OA, OB, Y, MC.

39. autem, LA, Y, MC.

40. et, LA, Y, V, MB, MC; vel etiam, OB, MA, CE.