Bracton: Thorne Edition: Latin. Volume 2, Page 388

Harvard Law School Library

Bracton Online -- Latin

Volume 2, Page 388

Next

Go to Volume: Page:

De quibus loqui debeat appellans in appello suo.

[002] f.138] IN omni vero causa criminali quæ sub se continet feloniam in
[003] appello fieri debet mentio de anno, de loco, de die, et hora. Loqui oportet
[004] et¹ de visu et de² auditu. Item quod appellans constans sit in³ dicto suo et
[005] in omnibus circumstantiis, secundum quod inferius dicetur de exceptionibus.
[006] Verba autem appelli sunt hæc de⁴ morte hominis.⁵

A. appellat B. per talia verba de morte fratris sui, et si ipse defecerit, tunc per talem, et ita quod sint plures de uno et eodem facto.

[008] A. APPELLAT B. de morte C. fratris sui, quod sicut ipse A. et C. frater⁶
[009] suus⁷ essent in pace dei et regis⁸ apud talem locum, faciendo quid⁹ tale vel
[010] transiendo¹⁰ a tali loco usque ad talem locum, tali die, tali anno, tali hora
[011] venit idem B. cum talibus nominandis et nequiter et in felonia, in assultu
[012] præmeditato et contra pacem domini regis ei datam, fecit idem B. prædicto
[013] fratri suo¹¹ C. unam plagam mortalem in capite quodam¹² gladio, vel
[014] aliquo alio genere armorum molutorum,¹³ dum tamen non de baculo neque
[015] lapide vel alio instrumento, secundum quosdam, quod dici non possit armum
[016] emolutum,¹⁴ ita quod obiit infra triduum de plaga illa. Et quod hoc
[017] fecit nequiter et in felonia et contra pacem domini regis, offert¹⁵ disrationare
[018] versus eum per corpus suum, sicut ille qui præsens fuit¹⁶ et hoc vidit,
[019] et¹⁷ sicut curia domini regis consideraverit.¹⁸ Et si de eo male contigerit,
[020] per corpus talis fratris¹⁹ vel alterius parentis C. qui similiter hoc offert disrationare
[021] per corpus suum, sicut curia consideraverit,²⁰ et sic ulterius de
[022] pluribus aliis si de tali male contigerit. Et qui omnes loquantur de visus sui
[023] testimonio, quia plures possunt unum appellare de uno et eodem facto et
[024] eodem vulnere. Et si appellatus versus unum ex pluribus se defenderit vel²¹
[025] per iudicium quietus recesserit, versus omnes alios²² liberabitur et quietus
[026] recedet. Sed si unus appellantium moriatur vel defaltam fecerit, nihilominus
[027] tamen integra erunt appella aliorum. Item si de primo appellante
[028] quocumque modo vel quibusdam illorum male contigerit, illi qui superstites
[029] fuerint ad disrationem faciendam admittuntur. Possunt etiam²³ plures appellari²⁴
[030] per eosdem de forcia, secundum quod inferius dicetur.²⁵

Notes

1. etiam, V, OC; om., MG, CM.

2. Om., OB, MA, MB, MG, OC.

3. Om., MG, OC; de, CM.

4-5. Om., V, OC.

6-7. Om., OB, MA, MB, CE.

8. domini regis, V, OB.

9. quoddam, V, CM; quidam, OC; quid., OA, MG.

10. transeundo, OB, Y, MC, LA.

11. meo, MA.

12. cum quodam, MG, CM.

13. mulutorum, MSS. gen.; multorum, CE, MG; munitorum, CM.

14. molutum, V; emolitum, MA.

15. offert se, V, LA, MG, CM, OC.

16. fuerit, MG, CM.

17. Om., OB, MA, MB, CE.

18. considerat, V; consideravit, Y; consideraverit, MA; consid., OB, MB, OA, LA, CE, OC, MC, MG, CM.

19. fratris sui, V, OC, MG, CM.

20. considerat, V, Y; consideravit, MG; consid., MSS. gen.

21. et, LA, Y.

22. alterius, MG, CM.

23. autem, MG, CM, OC; etiam et, Y, MC; om., OB, MA, MB.

24. Om., LA, Y, MC.

25. dicetur appellari, LA, Y, MC.