Bracton: Thorne Edition: Latin. Volume 2, Page 387

Harvard Law School Library

Bracton Online -- Latin

Volume 2, Page 387

Next

Go to Volume: Page:

[001] tione. Item si quis iacuerit in domo aliqua de nocte solus cum alio³⁸ qui fuerit
[002] interfectus, vel si duo ibi fuerint vel plures et huthesium non levaverint,
[003] nec plagam a latronibus vel aliis qui interfecerint³⁹ in defensione facienda
[004] non receperint, vel⁴⁰ nec quis hominem interfecerit ostenderint de se vel de
[005] aliis, mortem dedicere non poterunt, ut de termino Sancti Michælis anno
[006] regis⁴¹ Henrici nono incipiente decimo comitatu Cantiæ, de Ada de Burgham.⁴²
[007] Eodem modo fere dici poterit ut videtur, ut⁴³ si quis in domum suam
[008] notum vel ignotum receperit hospitandi causa vel alia, et⁴⁴ qui sanus et
[009] vivus visus fuit⁴⁵ intrare, et numquam postea nisi mortuus, dominus domus,
[010] si tunc domi fuerit, vel alii de familia qui tunc præsentes fuerint, pœnam
[011] capitalem non evadent, nisi forte per patriam fuerint liberati si iustitiarii
[012] perspexerint veritatem per patriam debere⁴⁶ inquiri.

Ne quis extraneum hospitetur nisi de clara die.

[014] ET pro hac suspicione constitutum est ne quis extraneum hospitetur nisi de
[015] clara die, nec permittat eum recedere nisi de clara die, et hæc etiam⁴⁷ præsumptio
[016] maxime⁴⁸ esse poterit, ut si dominus et homo suus iacuerint in
[017] domo una et dominus inventus fuerit occisus, homo tenebitur qui nec⁴⁹ clamorem⁵⁰
[018] levavit nec plagam recepit nec in aliquo se opposuit ad defensionem.
[019] Et idem dici poterit de extraneo quod⁵¹ vix evadere poterit periculum
[020] per inquisitionem patriæ, propter tam gravem præsumptionem de tam
[021] occulto facto. Sed⁵² cum patria veritatem sciri non possit de tam occulto
[022] facto,⁵³ qualiter liberabitur ille qui super patriam se posuerit? Re vera satis
[023] liberat ex quo expresse non condemnat, sicut dici poterit de carta quod
[024] satis adquietat ex quo specialiter non onerat. Item poterit factum esse ita
[025] occultum quod secta sit nulla vel minus rite facta, tamen⁵⁴ calumniari non
[026] poterit⁵⁵ quia initium facti sciri non poterit, sicut de veneno dato: et quo
[027] casu non habebit appellatus electionem utrum se ponere velit super patriam
[028] vel defendere se per corpus,⁵⁶ sed oportet quod defendat se per corpus,
[029] quia patria nihil scire poterit de facto nisi per præsumptionem et per auditum,⁵⁷
[030] quod quidem non sufficit ad probationem pro appellante nec pro appellato
[031] ad liberationem, nisi sit qui dicat ut supra quod satis liberatur, ex
[032] quo non condemnatur. Admittitur tamen ex necessitate quod appellatus
[033] habebit electionem propter inconveniens quod sequeretur, quia si semper
[034] teneretur se defendere per corpus, ita possit quilibet in tali facto alium
[035] appellare per campionem conductivum, quod⁵⁸ non est sustinendum.

Notes

38. aliquo, V, CM.

39. interfecerunt, CE, OC, Y, MC.

40. Om., MG, CM.

41. regni regis, V, MG, CM, OC, Y, MC, LA.

42. Burgham, OC, MG, CM, Y; Burgh., MSS. var.

43. Om., V, OC.

44. ut, MG, CM.

45. fuerit, LA, Y, CM, MC.

46. deberet, OC, MG, CM.

47. Om., MG, CM.

48. Om., OB, MA, MB.

49-50. clamorem non, MG, CM.

51. quia, V, CM; qui, OB.

52-53. Om., MG, CM.

54. cum, LA, CE, MC.

55. potest, OB, MA, MB.

56. corpus suum, V, MG, CM, OC.

57. mandatum, OB, MA, MB; auditum vel per mandatum, V.

58. quia, MG, CM.