Bracton: Thorne Edition: Latin. Volume 2, Page 386

Harvard Law School Library

Bracton Online -- Latin

Volume 2, Page 386

Next

Go to Volume: Page:

[001] sit de crimine ei¹² imposito vel non, vel defendendi¹³ se per corpus suum.
[002] Si autem patriam¹⁴ elegerit ad defensionem per corpus suum ex pænitentia
[003] reverti non poterit, sed per patriam negotium terminabitur, nec e contrario.
[004] Si autem per corpus suum intret¹⁵ in defensionem nihil excipiendo,
[005] statim vadietur¹⁶ inter eos duellum, si omnia rite concurrant et principalia
[006] maxime appellum facientia¹⁷ et quæ¹⁸ iungunt duellum. Et si forte appellatus¹⁹
[007] hoc omiserit iustitiarius²⁰ ex officio suo debet²¹ omnia examinare.

Quod in duello iungendo iustitiarius debet omnia diligenter examinare.

[009] IMPRIMIS factum et causam appelli, et si factum et causa sufficiant,²² tunc²³
[010] imprimis examinare debet sectam si bene facta fuerit, et quod nulla sit
[011] variatio, ut si appellans unum dixerit in comitatu et coram coronatoribus et
[012] aliud modo²⁴ dicat coram iustitiariis. Non enim admittitur hic²⁵ variatio,²⁶
[013] secundum quod inferius dicetur plenius. Si autem omnia bene concurrant
[014] quæ iungant²⁷ duellum, tunc det appellatus vadium defendendi et appellator
[015] vadium disrationandi.

V adiatio duelli, et si appellatus victus fuerit vel appellans.

[017] ET si appellatus victus fuerit, capitalem subibit²⁸ sententiam cum exheredatione
[018] et omnium bonorum suorum²⁹ amissione, et sicut esse debet in quolibet
[019] genere feloniæ. Si autem appellans³⁰ victus fuerit, gaolæ committatur³¹ tamquam
[020] calumniator puniendus, sed nec vitam amittit neque membra, licet
[021] secundum leges ad talionem teneretur si in probatione deficeret, et appellatus
[022] quietus recederet de appello illo,³² nisi forte iustitiarii pro aliqua alia
[023] suspicione vel recto³³ duxerint ulterius retinendum. Quod aliquando faciunt
[024] ex causa, sicut contigit aliquando de Roberto Brodegha³⁴ in comitatu Berkeriæ
[025] coram M. de Pateshilla. Et hæc vera sunt quod appellatus per corpus
[026] suum se defendere poterit cum appellatus fuerit, nisi aliqua violenta
[027] præsumptio faciat contra ipsum.

In casu non est necesse probare per corpus neque per patriam, ubi præsumptio violenta facit contra appellatum.

[029] QUÆ probationem non admittat³⁵ in contrarium per quam dedicere³⁶ vel defendere
[030] possit³⁷ mortem et feloniam, sicut esse potest cum quis captus fuerit
[031] super mortuum cum cultello cruentato, mortem dedicere non poterit. Et
[032] f.137b] hæc est constitutio antiqua, in quo casu non est opus alia proba-

Notes

12. sibi, LA, Y, MC.

13. defendere, OB, MA.

14. per patriam, OB, MA, MB.

15. intrat, MG, CM, OC.

16. videtur, MG, CM.

17. facienda, MG, CM, OC.

18. Om., MG, CM.

19. appellans, MG, CM.

20-21. iustitiarii . . . debent, V, LA, Y, MA, MC.

22. sufficiunt, MG, CM.

23. Om., OB, MA, MB, CE.

24. non, OB, MB, MA (illud).

25. hæc, LA, Y, MC.

26. narratio, MG, CM.

27. iungunt, V, OA, MG, CM, OC, MB.

28. subiciet, LA, Y, MC; subiit, OC.

29. Om., MA, MB, OB.

30. appellator, LA, Y.

31. deputatur, OB, MA, MB, CE.

32. suo, OA, CE.

33. recta, CM; rectam, OC; recta causa, MG.

34. Brodelegha, Brodinga, Brodingha, Brodengha, Brodeke, MSS.

35. admittit, V, OB, MA.

36. deducere, MG, OC.

37. posset, MG, CM, OC.