Bracton: Thorne Edition: Latin. Volume 2, Page 38

Harvard Law School Library

Bracton Online -- Latin

Volume 2, Page 38

Next

Go to Volume: Page:

[001] lana per quæ supradicti, et non in villenagio, nec sunt servi nec fuerunt in
[002] conquestu ut primi, sed per quandam conventionem quam cum dominis
[003] fecerunt, et ita quod quidam eorum cartas habent et quidam non, et qui,
[004] si³⁰ a talibus tenementis eiecti fuerint, seisinam recuperabunt, secundum³¹
[005] quosdam,³² per assisam novæ disseisinæ. Et cum assisam novæ disseisinæ
[006] habuerint, habebunt heredes assisam mortis antecessoris.

Sunt etiam liberi in manerio domini regis.

[008] SUNT etiam alia genera hominum in maneriis et³³ dominicis domini regis,
[009] qui sicut³⁴ alibi³⁵ tenent libere et in libero socagio et³⁶ per servitium militare
[010] ex novo feoffamento et post conquestum.

Sub potestate dominorum sunt liberi homines.

[012] ITEM sub potestate dominorum sunt liberi homines possessi ut servi, et qui
[013] aliquando in libertatem proclamant, et qui dici poterunt statuservi cum
[014] sint liberi, eadem ratione qua servi dici poterunt statuliberi cum sint fugitivi
[015] et extra potestatem dominorum: de quibus plenius dicetur infra.

Notes

30. Om., OA, OB, MA, MB, CE, Y, OC.

31-32. et, MG, CM; om., LA, MC.

33. Om., OB, MB, HA; in, CE.

34. sunt, CM, MG (sint), HA.

35. alii, OB, MA, MB, CE, Y.

36. Om., OB, MB, CM.